“Camba shutira [...] ricsichishcani”

“Can cai pachamanda ñucara cuhuashca runaunama camba shutira ricuchishcani. [...] Ñuca camba shutira paigunama ricsichishcani, charajpas ricsichisha” (JUAN 17:6, 26).

¿Imara Jesús rimana munaca? Jesús, Diospa shutira yachachiushcai ricsichica. Sirtu pacha Escrituras Hebreas nishcaunamanda leaushcai Diospa shutira leashcanga, caita caran cuti rurarca (Lucas 4:16-21). Shinallara paita catijcunara casna tunu mañangaj yachachica: “Yaya, camba shuti ali rimashca achu” (Lucas 11:2).

Jesusta punda catijcuna ¿imara ruranuca? Apóstol Pedro Jerusalenmanda ancianogunahua cuintariushcai nica Yaya Dios runaunara ajllaca paihua shutira alabangaj (Hechos 15:14). Apostolguna Jesusta catijcunas casna yachachinuca: “Maicans Diospa [’Jehová’, TNM] shutii mañasha quishpichishca anga” (Hechos 2:21; Romanos 10:13). Shinallara Diospa shutira utilizanuca quillcashcaunai. Judioguna leygunara charij libro Tosefta nishca, cai quillasha tucuchishca aca huata 300 mayambi, chibi riman Jesusta catijcuna quillcashca librogunara rupachinuca. Chibi nin: “[Evangelios], sectarios [cristianos judioguna anucachari] librogunara maibi ashcaibi rupachinguichi caigunaras, Diospa shuti charishcaras”.

Cuna punzhaunai ¿piguna paiguna ejemplora catinun? Revised Standard Version Biblia, edición autorizada por el Consejo Nacional de las Iglesias de Cristo Estados Unidos llactai punda partii nin: “Huaquin diosguna mana tianzhu, shujlla Dios tian, chiraigumanda paihua shutira utilizana mana ali anma Iglesia Cristiana nishcai. Shinallara judío runauna Jesús cai allpama manara shamushcallaira Diospa shutira utilizanara saquinuca”. Chiraigu cai Biblia Señor shutira utilizaca Diospa shutira utilizana randimanda. Ansa timpu huashama Vaticano, obispogunara caita rurangaj cachaca: “Diospa Shutira mana utilizana mana rimanas anguichi tetragrammaton YHWH nishca cuinta, imasna misagunai, cantanaunai oraciongunara ruranais”. a

¿Tianzhu shu muntun Diospa shutira utilizasha shujcunara yachachij? Shu malta Sergey shutiyuj tupaca shu muntun runauna tiashcara. Chara malta ashcai Kirguistán llactai shu peliculara ricushcaibi chibi Diospa shuti Jehová ajta ricuca. Chimanda huasha Diospa shutira mana uyangaj pactaca chunga huatauna. Estados Unidos llactama rica, chibi ishqui Jehovahuaj testigoguna pactanuca paihua punguma tucangaj, Bibliai ricuchinuca Diospa shutira, Sergey cushiyaca cai religión Diospa shutira utilizaj ajpi. “Jehová Dios” nishca shimimanda, shu diccionario nin: “Jehovahuaj testigoguna cai atun Diosta paillara aduranun” (Webster’s Third New International Dictionary).

[Nota]