Moisesajj mä suma luräwi katoqe
Wayn tawaqonakataki
Moisesajj mä suma luräwi katoqe
Akham lurasmajja: Kawkjantï jan pantjasiyapkiristam ukawjaruw liyir sarañama. Liykasajja, jumajj ukankkasmas ukhamwa amuyasiñama. Uñjam kamachasipkisa, istʼarakim kunjamsa arsusipki ukat kunjam chuymampis sapa maynejj parlasipki uksa amuyañamarakiwa.
Jupanakatwa parli: Jehová Diosat ukat Moisés chachata.
Ak qhanañchtʼaski: Jehová Diosajj Moisesaruw israelitanakar Egipto markat apsuniñapatak mä luräwi churi.
1 KUNA TOQETSA PARLASKI (ÉXODO 3:1-14 UKAT 4:1-17 LIYTʼAM).
Amuyumatjja kunjamakis Moisesajj jikjjataspachäna nakhaskir mä chʼaphi uñjkäna ukajja, uk qellqtʼam.
․․․․․
Éxodo 3:4 jiskʼa tʼaq mayampi uñjjattʼasma. ¿Jehová Diosajj parlkäna ukhajja, Moisesajj kunjamakis jikjjataspachäna? ¿parlatapas ukat ajanupas kunjamapachansa uk amuyasmati?
․․․․․
Éxodo 3:11, 13 ukat 4:1, 10 jiskʼa tʼaqanak wasitampi liytʼarakim. ¿Moisesajj Jehová Diosamp parlkäna ukhajja, kunjam arunakampis jisktʼpachäna?
․․․․․
2 JUKʼAMP YATJJATASKAKIM.
Aka arunak jukʼamp yatjjatañamatak thaqtam “Kunañtejj nayajj munkäjja ukaruw nayajj tuköjja” sasa (Éxodo 3:14, NM). Kunaratutï Moisesajj Jehová Diosar jisktʼäna kunas sutimajj sasinjja, ¿kunatsa ukham Moisesar qhanañchäna? *
․․․․․
Amuyatamarjamajja, ¿kunats Moisesajj pächasïna Faraonamp paralañataki? (Mä yanaptʼa: Números 12:3 liytʼam.)
․․․․․
¿Kunatsa Moisesajj pächaspachäna israelitanakamp parlañjja?
․․․․․
3 KUNA ASKINAKSA YATEQAWAYTA. UK AKA TOQENAKAT QELLQTʼASIM...
Janis wakichtʼataksna ukham amuyasiñaw utjaspa.
․․․․․
Kuntï Jehová Diosajj mayktam uk phoqasmawa, kunatejj Jupajj sum uñtʼistu ukat yatirakiw uk lurirjamatasa.
․․․․․
JAKÄWIMAN YANAPTʼIRISTAMWA.
¿Kunanakansa jumajj janis wakichtʼatakasmas ukham amuyasta?
․․․․․
Qhawqtï lurirjamaktan ukampejj kunjams Jehová Diosarojj yanaptʼsna?
․․․․․
4 AKA SARNAQÄWITJJA, ¿KUN YATEQAÑAS JUMATAKEJJ WALI ASKÏNJJA? ¿KUNATSA?
․․․․․
Aka qellqattï liytʼñatak munasmajja, Internetar www.pr418.com cheqar mantasaw uk apqasma.
Bibliat apstʼat yaqha qellqatanakjja, aka cheqanwa liytʼasma
[Qhanañchäwi]
^ Bibliat jukʼamp yatjjatañatakejja, Jehová Diosan Qhanañchirinakapaw yanaptʼapjjeristamjja, kunatejj jupanakaw libronaka ukat folletonak apsupjje. Ukat kawkhantï jakasta ukan Jehová Diosan Qhanañchirinakapampejj parltʼrakismawa jan ukajj khithinakatï aka revista lurapki ukanakarus qellqarakismawa.
