Au Ikuikuanga: E rave i teia apiianga i roto i te au ngai muteki ua. Ia koe e tatau ra i te au irava, e akamanako e tei roto koe i te reira tupuanga. Akamanako meitaki i te akatutuanga. Akarongo i te au reo. Akamanako i te au manako ngakau o te aronga tikai i roto i te tua. E akaora mai i te papaanga.

Aronga i roto i te tua: Te Atua ko Iehova e Mose

Akakiteanga poto: Kua akaue a Iehova ia Mose kia arataki i te ngati Iseraela mei roto mai ia Aiphiti.

1 AKAMANAKO MEITAKI I TE AKATUTUANGA.​—TATAU IA EXODO 3:1-14; 4:1-17.

Akataka mai i te tu o te pu ngangaere e ka ra, mei taau e manako ra.

․․․․․

Eaa toou manako ta Mose pauanga—tona tutu mata e tona reo—te akarongo anga i te tuatua a te Atua, i roto ia Exodo 3:4?

․․․․․

Eaa te tu manako ngakau taau i “akarongo” i roto i te reo o Mose mei tana e ui ra kia Iehova, i roto ia Exodo 3:11, 13 e te 4:1, 10?

․․․․․

2 KIMIKIMI MARIE.

Taangaanga i te au puka kimikimi ka rauka ia koe, e oti e kimi atu i te aiteanga o te tuatua “ka riro au i taku rai ka akariro.” (Exodo 3:14, NW) Eaa ra a Iehova i pau akapera ei ki ta Mose uianga no runga i Tona ingoa? *

․․․․․

 Eaa toou manako i emiemi ei a Mose i te tuatua atu kia Pharao? (Taikuanga: E tatau ia Numero 12:3.)

․․․․․

Eaa ra a Mose i emiemi ei i te tuatua atu ki tona au taeake Iseraela?

․․․․․

3 AKONO I TAAU I KITE. TATA I TAAU I KITE MAI NO TE . . .

Tu paruparu o te tangata kare e manako papu ana.

․․․․․

Irinaki papu anga a Iehova ia koe e toou au tu kite karape.

․․․․․

NO TETAI ATU AKAKITEANGA.

Eaa tetai au ngai i roto i toou oraanga te ngere ra koe i te manako papu?

․․․․․

Eaa te au mataara ka puapingaia koe ki te Atua ko Iehova noatu eaa toou au turanga kotingaia?

․․․․․

4 EAA TE MEA PUAPINGA KIA KOE NO RUNGA I TEIA PAPAANGA, E NO TEAA RA?

․․․․․

Kopi e teia atikara mei runga i te www.pr418.com

Maata atu te apiianga Pipiria e tatau i runga i te initaneti www.watchtower.org

[Tataanga Rikiriki i Raro]