Matadalan: Halo estudu neʼe iha fatin neʼebé hakmatek. Nuʼudar ó lee eskritura sira, hanoin toʼok katak ó haree istória neʼe akontese daudaun. Hanoin toʼok katak ó bele haree no rona ema koʼalia. Sente buat neʼebé sira sente. Halo istória neʼebé ó lee sai hanesan buat neʼebé moris.

Sira neʼebé hola parte iha istória neʼe: Maromak Jeová no Moisés

Istória kona-ba: Maromak Jeová haruka Moisés atu lori ema Israel sai husi rai-Egiptu.

1 HANOIN DIDIʼAK KONA-BA BUAT NEʼEBÉ AKONTESE.—LEE ÊXODO (KELUARAN) 3:1-14; 4:1-17.

Tuir ó-nia hanoin, ai-tarak neʼebé lakan haree hanesan saida?

․․․․․

Tuir ó-nia hanoin, Moisés sente oinsá kuandu nia rona Maromak nia liafuan, neʼebé hakerek iha Êxodo 3:4?

․․․․․

Hanoin toʼok katak ó bele rona Moisés nia lian nuʼudar nia husu pergunta ba Jeová, hanesan hakerek iha Êxodo 3:11, 13 no 4:1, 10. Tuir ó-nia hanoin, Moisés nia lian hatudu saida?

․․․․․

2 BUKA-HATENE LIUTÁN.

Hodi uza livru sira neʼebé ó iha ona, * buka toʼok informasaun atu hatene liután kona-ba liafuan: “Haʼu sei sai saida deʼit neʼebé haʼu hakarak.” (Êxodo 3:14) Kuandu Moisés husu kona-ba Maromak Jeová nia naran, tanbasá mak Jeová hatán hanesan neʼe? *

․․․․․

 Tuir ó-nia hanoin, tanbasá mak Moisés taʼuk uitoan atu koʼalia ho Faraun? (Atu ajuda: Lee Números [Bilangan]12:3.)

․․․․․

Tuir ó-nia hanoin, tanbasá mak Moisés dada an atu koʼalia ho ninia maluk Israel sira?

․․․․․

3 SAIDA MAK Ó APRENDE? HAKEREK BUAT NEʼEBÉ Ó APRENDE.

Tanbasá mak ema barak sente la fiar an?

․․․․․

Tanbasá mak ó bele fiar katak Maromak Jeová tau fiar ba ó?

․․․․․

ATU HALO TUIR IHA FUTURU.

Saida deʼit mak bele halo ó la fiar an?

․․․․․

Maski ó iha fraku ruma, maibé oinsá mak Maromak Jeová bele uza ó atu halo ninia hakarak?

․․․․․

4 HUSI ISTÓRIA NEʼE, SAIDA MAK IMPORTANTE LIU BA Ó, NO TANBASÁ?

․․․․․

Loke sítiu www.pr418.com. Lee Bíblia iha internét download ka print informasaun neʼe

[Nota–rodapé]