Ma‘á e To‘utupú
Ma‘u ‘e Mōsese ha Ngāue Makehe
Fakahinohino: Fai ‘a e lautohí ni ‘i ha ngaahi feitu‘u lōngonoa. ‘I ho‘o lau ‘a e ngaahi konga Tohi Tapú, sioloto atu ko ha tokotaha koe ‘okú ke tu‘u ai ‘o mamata ‘i he me‘a ‘oku hokó. Sioloto atu ki he me‘a ‘oku hokó. Fanongo ki he ngaahi le‘ó. ‘Ai ke ke ongo‘i ‘a e ngaahi ongo ‘a e fa‘ahinga ‘oku hā ‘i he talanoá. ‘Ai e fakamatalá ke hangē pē ha me‘a mo‘oní.
Fa‘ahinga tefitó: Sihova ko e ‘Otuá mo Mōsese
Fakanounou: Fekau ‘e Sihova ‘a Mōsese ke taki atu ‘a e kau ‘Isilelí mei ‘Isipite.
1 ‘ANALAISO ‘A E TU‘UNGÁ.—LAU ‘A E ‘EKISOTO 3:1-14; 4:1-17.
Fakamatala‘i ‘a e fōtunga ‘o e fu‘u ‘akau na‘e uló, ‘i ho‘o sioloto atu ki aí.
․․․․․
‘Okú ke fakakaukauloto atu na‘e fēfē ‘a e fakafeangai ‘a Mōsesé—fakatou‘osi ‘a e anga hono matá mo hono le‘ó—‘i he‘ene fanongo ki he ngaahi lea ‘a e ‘Otuá kiate ia, ‘a ia ‘oku hā ‘i he ‘Ekisoto 3:4?
․․․․․
Ko e hā ‘a e ngaahi ongo‘i ‘okú ke “fanongo” ki ai ‘i he le‘o ‘o Mōsesé ‘i he‘ene fehu‘i kia Sihova, hangē ko ia ‘oku lēkooti ‘i he ‘Ekisoto 3:11, 13 mo e 4:1, 10?
․․․․․
2 FEKUMI LAHI ANGE.
‘I hono ngāue‘aki ‘a e naunau fekumi ‘okú ke ma‘ú, kumi ki ha fakamatala lahi ange fekau‘aki mo e kupu‘i lea, “KO AU KO AU AI PE.” (‘Ekisoto 3:14) Ko e hā na‘e lea‘aki ai eni ‘e Sihova ‘i he‘ene tali ki he fehu‘i ‘a Mōsese kiate ia ‘o fekau‘aki mo Hono huafá? *
․․․․․
‘Okú ke fakakaukau, ko e hā na‘e toumoua ai ‘a Mōsese ke fakaofiofi kia Feló? (Tokoni: Lau ‘a e Nōmipa 12:3.)
․․․․․
Ko e hā na‘e veiveiua nai ai ‘a Mōsese ke lea ki hono kaungā-‘Isilelí?
․․․․․
3 NGĀUE‘AKI ‘A E ME‘A KUÓ KE AKÓ. TOHI‘I ‘A E ME‘A KUÓ KE AKO FEKAU‘AKI MO E . . .
Hehema fakaetangata ke ‘ikai ke te loto-falala kiate kitá.
․․․․․
Loto-falala ‘a Sihova kiate koe pea mo ho‘o ngaahi malavá.
․․․․․
KI HA NGĀUE LAHI ANGE.
Ko e hā ‘a e ngaahi tafa‘aki ‘i ho‘o mo‘uí ‘oku ‘ikai te ke ma‘u ai ‘a e loto-falalá?
․․․․․
Ko e hā ‘a e ngaahi founga ‘e lava ke ke hoko ai ‘o ‘aonga kia Sihova ko e ‘Otuá neongo ho ngaahi fakangatangatá?
․․․․․
4 KO E HĀ ‘A E TAFA‘AKI ‘O E FAKAMATALÁ NI ‘OKU MOHU ‘UHINGA TAHA KIATE KOÉ, PEA KO E HĀ HONO ‘UHINGÁ?
․․․․․
Ke hiki mo/pe pulusi mai ‘a e kupú ni, ‘alu ki he www.pr418.com
[Fakamatala ‘i lalo]
^ pal. 14 ‘Oku pulusi ‘e he Kau Fakamo‘oni ‘a Sihová ha ngaahi tohi mo e ngaahi polosiua lahi ‘a ia ‘e lava ke ne tokoni‘i koe ke ke fekumi lahi ange ‘i ho‘o ako ‘a e Tohi Tapú. Ki ha fakamatala lahi ange, fetu‘utaki ki he Kau Fakamo‘oni ‘a Sihova ‘i ho feitu‘ú pe tohi ki he kau faipulusi ‘o e makasini ko ení.
