Instruksyon: Basaha an mga teksto ngan batona an mga pakiana ha lugar nga waray aringasa. Samtang nagbabasa ka, hunahunaa nga aktuwal nga naieksperyensyahan mo an nahihitabo. Handurawa an kahimtang. Hunahunaa nga hinbabatian mo an mga tingog. Abata an mga emosyon han mga nahidadabi. Handurawa an mga panhitabo.

Importante nga mga tawohan: Hi Jehova nga Dios ngan hi Moises

Sumaryo: Ginsugo ni Jehova hi Moises nga manguna ha mga Israelita ha paggawas ha Ehipto.

1 PAMALANDONGA HIN MAOPAY AN KAHIMTANG.—BASAHA AN EKSODO 3:1-14; 4:1-17.

Ano daw la an hitsura han naglalaga nga kasapinitan?

․․․․․

Ano daw la an reaksyon ni Moises—an iya hitsura ngan tono han iya tingog—han hibatian niya an tingog han Dios nga mababasa ha Eksodo 3:4?

․․․․․

Ano nga emosyon an imo “nababatian” ha tingog ni Moises samtang nagpapakiana hiya kan Jehova, sugad han nakarekord ha Eksodo 3:11, 13 ngan 4:1, 10?

․․․․․

2 DUGANG NGA USISAHA.

Pag-research mahitungod han mga pulong nga “Ako amo ako.” (Eksodo 3:14) Kay ano nga ito an iginbaton ni Jehova han magpakiana hi Moises mahitungod han Iya ngaran? *

․․․․․

 Ha imo hunahuna, kay ano nga nag-alang hi Moises ha pakiistorya kan Paraon? (Basaha an Numeros 12:3.)

․․․․․

Kay ano daw la nga nag-alang hi Moises ha pakiistorya ha iya mga igkasi-Israelita?

․․․․․

3 IAPLIKAR AN IMO HINBAROAN. ISURAT AN IMO HINBAROAN MAHITUNGOD HAN . . .

Tendensya han tawo nga mawad-an hin pagsarig ha kalugaringon.

․․․․․

Pagsarig ni Jehova ha imo ngan ha imo abilidad.

․․․․․

PARA HA DUGANG NGA APLIKASYON.

Ha ano nga mga sitwasyon nawawad-an ka hin pagsarig ha kalugaringon?

․․․․․

Ha ano nga paagi magagamit ka ni Jehova nga Dios bisan pa han imo limitasyon?

․․․․․

4 ANO NGA BAHIN HINI NGA MGA ASOY AN NARURUYAGAN MO GUD, NGAN KAY ANO?

․․․․․

Mada-download ngan/o mapiprint ini nga artikulo ha www.pr418.com

Kon waray ka biblia, paghangyo ha mga Saksi ni Jehova

[Footnote]