Eski Labib i parey lezot liv?

“Tou Lekritir i enspire par Bondye e i itil . . . , pour ki dimoun ki servi Bondye i byen prepare e byen ekipe pour fer tou aksyon ki bon.”​—2 TIMOTE 3:16, 17.

I ANNAN serten dimoun ki pa dakor ki Labib i itil pour tou keksoz. Ki ou panse? Dapre sa lalis ki swiv, ki lopinyon ki dekrir pli byen sa ki ou panse lo Labib?

• En bon liv

• I parey lezot liv sakre

• En liv lezann ki nou tir bann moral ladan

• Parol Bondye

En lot kestyon ki nou kapab demande: Eski i enportan sa ki mon krwar lo Labib? Vwar sa ki Labib li menm i dir: “Tou sa ki’n ganny ekri dan lepase in ganny ekri pour nou lansennyman, pour ki par pasyans ek konsolasyon ki Lekritir i donnen nou posed lesperans.” (Romen 15:4) La Labib pe dir ki i’n ganny ekrir pour ansenny, rekonfort e donn nou lespwar.

Me si Labib ti zis en bon liv oubyen zis en lot liv sakre, eski ou ti pou annan konfyans ki i ti pou ansenny ou e gid ou fanmir espesyalman kan sa ki i dir i vreman diferan avek sa ki ou ou krwar? Si Labib ti en koleksyon bann zistwar envante, eski son bann promes ti pou rekonfort e donn ou lespwar?

De lot kote, i annan plizyer milyon dimoun ki’n etidye Labib e zot konvenki ki zis Labib ki Parol Bondye. Kwa ki’n konvenk zot? Kwa ki fer Labib diferan avek tou lezot liv? Nou envit ou pour egzamin senk laspe ki montre ki Labib i en liv inik dan sa bann lartik ki swiv.