Saí Dingi Divulu Dia Difu ni Bibidia?

‘O mikanda ioso ia bhusu Nzambi, mikanda ia ku bhandulula, . . . phala muthu ua Nzambi a tenene, ua di longo kiasoko, mu ku bhanga ikalakalu ioso iambote.’ —2 TIMOTE 3:16, 17.

SAÍ athu ka xikina mu izuelu íii ia Bibidia. O kuila kiene ué ki u banza? Mu ji pondo jiuana, iebhi i ueji sola?

• Divulu diambote ngó

• Divulu mu tu sanga milongi ikola

• Divulu dia misoso mu tu sanga milongi iambote

• O Mak’â Nzambi

O kuila o kima ki u banza kiala ni valolo? Xinganeka izuela o Bibidia: ‘Ima ioso iosoneke m’ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muxima mu ku tanga o Mikanda, tu kale ni ku dielela.’ (Loma 15:4) O Bibidia izuela kuila a isoneka phala etu ku di longa, ku tu konda o malamba ni ku tu bhana kidielelu.

Kienhiki, se o Bibidia iexile ngó divulu dioso-dioso, mba divulu dikola, o kuila ueji dielela mu milongi iê phala kuendesa eie ni muiji uê, bhenge-bhenge se o milongi iê, eie ku i xikina? Se o Bibidia iezalele ni milongi ia makutu, o kuila ueji xikina mu ikanenu iê?

Maji saí athu ene mu di longa o Bibidia, a xikina kuila Mak’â Nzambi. Mukonda diahi? Kiebhi o Bibidia i di tungula ku madivulu a mukuá? Tua ku bhingi ku di longa pondo jitanu ja Bibidia mu milongi ia kaiela.