Ngkuk Di Ta er a Babier?

“A Dios a dilokou a Chedaol Llechukl el rokui er a dingerir a re milluches, el kired el olab . . . , me bo le sebechel a chad el ungil kldmokl e ulsemuul el kirel a bek el ungil ureor.”​—2 TIMOTHY 3:16, 17.

NGDIAK el rokui el chad a oumerang er tia el tekoi el kirel a Biblia. Ngera uldesuem? Ke omes er a Biblia el ua . . .

• di ungil el babier?

• di ta er aike el chedaol babier er a klechelid?

• cheldecheduch el olisechakl a tekoi er a kldung?

• Tekingel a Dios?

Me a tekoi el moumerang, ngar er ngii a lerellii er kau? Ka momtab er tia el bades el kmo: “A ikel ngar a Chedaol Llechukl a melluches el olisechakl er kid, me ng mo sebeched el melatk e mengiil el klou a rengud e meduch a rengud el ultuil er a Chedaol Llechukl.” (Rom 15:4) Me a Biblia a melisiich el kmo ngkltmokl el kirel el olisechakl e mengelaod er kid e sebeched el ultuil er ngii.

Me a lsekum a Biblia a kuk di ta er a babier me a lechub e ngkuk di ta er a chedaol el babier, e ke kongei el mecherei me ngomekrael er kau me a telungalek er kau, el mo lmuut er a taem el omesodel a kuk ngodech er a uldesuem? Me a lsekum a Biblia a di cheldecheduch, e ngsebechem el ultuil er ngii e ngmai a ongelaod er a tekoi er a chelsel?

A rebetok el miliol el mla mesuub er a Biblia a oumerang el kmo ngdi chimong el babier el Tekingel a Dios. E ngera uchul? Ngerang a rullii a Biblia me ngileakl el ngodech er a ngii di el babier? Aki olengit er kau me bo momes a eim el omesodel a Biblia el ngar er a ongingil el suobel.