Tijaty nyaskäjpxë të yˈadëy
“Nituˈugë oybyë Jyobaa yˈää yˈayuk diˈib të tkajpxy duˈunyë të kyatëgoy. Tukëˈëyë të yˈadëëdäˈäy parë miitsëty. Nituˈugë yˈayuk diˈib kyaj të yˈadëy.” (JOSUÉ 23:14)
¿TIKO BIIBLYË TYËGATSYËTY? Mayë jäˈäy tnijawëdë ko pënaty tëëyëp yˈijxtëbë orakëlë kyaj yajxon tkäjpxtëˈkxtë ets kyaj tëyˈäjtën tijaty tnigäjpxtë, duˈun extëm tyamë horóscopos. Pënaty yˈëxpëjkpëtsëëmdëp ti miin këdakp, duˈun tijaty tnaskäjpxëdë extëm tˈixtë tijaty tyuny jyatyëty ets tim näˈäty tnaskäjpxëdë ti tunan jatanëp ja tuk mëgoˈpx o majtsk mëgoˈpx jëmëjt. Per tijaty nyaskäjpxëbë Biiblyë wäˈäts tkäjpxtëˈkxy ets xëmë yˈadëy, axtë diˈib nyigajpxypy “desde tëëyëp diˈib kyajnëm yajtuny” (Isaías 46:10).
TUˈUGË IJXPAJTËN: Mä siiglë 6 mä kyajnëm myinyë Jesus, ja kugajpxy Daniel ojts yajtukˈixy ko ja anaˈamën diˈib Grecia dyajkäˈäjäˈänyë Medopersia. Nan ojts tnaskäjpxë ko jeˈeyë nety ja rey diˈib Grecia nyakumëjäädaˈaky, ko ja wyäj tyëjäˈäny. ¿Ojts tmëdatyë wyingudëgats? Daniel tkujäˈäyë: “Taxkë anaˈamën jyaˈˈaty mä nyasyonk diˈib wäˈkukëyandëp, per kyaj mët yëˈë ja myëkˈäjtën” (Daniel 8:5-8, 20-22).
¿WIˈIX YAˈËXPËJKPËTSEMY? Ja nety të nyaxy 200 jëmëjt mä Daniel duˈun tkujäˈäyë, ko Alejandro Magno tyëjkë rey jam Grecia. Mäjk jëmëjt nyajxy parë tjaˈabëjktääy ja yˈit lyugäärë Medopersia axtë mä nëë diˈib xyëˈäjtypy Indo (tyam yaˈixyˈaty Pakistán). Per ajotkumonë yˈoˈky, ja nety jeˈeyë jyëmëjt 32. Ta nimäjtaxkë syoldäädë wintsën ojts dyajwäˈkxtë ja yˈanaˈamën, jeˈeyë ko nituˈuk ojts tkamëdatyë mëjää extëmë Alejandro Magno.
¿WIˈIX XYˈOKˈIXY? ¿Mˈixyˈajtypyë wiinkpë liibrë diˈib adëëp tijaty nyaskäjpxëp? ¿O yëˈëyë Biiblyë?
“Jantsy kanäk peky tijatyë Biiblyë nyaskäjpxëp [...] ets tsip njënäˈänëm ko alokë yˈadëy.”—(A LAWYER EXAMINES THE BIBLE [EXTËM TUˈUGË ABOGAADË TˈIXYË BIIBLYË], YËˈË JYAAYË IRWIN H. LINTON)
