Omaulo Ombimbiliya Apeho Afuiswapo

“Onondaka ambuho onongwa Jeova Huku yenyi emupopilile, naike yaponya.”—JOSUÉ 23:14.

OÑGENI OMBIMBILIYA YELIKALELA? Ovatapesi vokohale ankho kavayumbwa onthumbi mokonda ankho kavapopi otyili, novo hono otyo vekahi. Vokupopia etyi matyiya komutwe haunene vatalela kuetyi veete, iya kavetyivili okupopia nawa-nawa etyi matyikamoneka komutwe. Mahi omaulo Ombimbiliya apopia nawa oñgeni ovipuka maviende iya apeho elifuilapo, alo umwe “alekesa tunde kohale ovipuka nkhele vihenelingwe.”—Isaías 46:10.

ONGELEKA: Motyita tyapandu P.K.E., omuuli Daniele wamuene emonekelo lialekesa okuti o Medo-Persia maifindwa liwa-liwa no Grécia. Tupu lialekesa okuti tyina ohamba yo Grécia yamakala “nepondolo enene,” mapakala vala katutu, ouhamba wayo “auteyuapo.” Olie ankho mapingipo? Daniele wahoneka okuti: “Makukakala omauhamba ekuana maatundu melongo liae, mahi kamaakakala nepondolo ngoliae.”—Daniel 8:5-8, 20-22.

OITYI OVAHIPULULI VOUYE VAPOPIA: Etyi palamba omanima 200 konyima yononthiki mba Daniele, Alexandre Omunene wakala ohamba yo Grécia. Momanima ekwi, Alexandre afindi Outumini wo Medo-Persia ayandyaneka outumini wo Grécia alo Kondongi Indu (hono kukala o Paquistão). Mahi, ankhi liwa-liwa etyi ankho ena omanima 32. Konyima, ovilwa viaendele popepi notyilongo tyo Ipsos, mo Asia Menor viahanyaunapo outumini wae. Ovatumini vekuana vokuahongolela ovilwa ovio, veliyapulila Ouhamba wo Grécia. Anthi, nawike puvo wakalele nepondolo ngo lia Alexandre.

OITYI OVE USOKA? Okuti kuna vali omukanda omukuavo upopia omaulo afuiswapo? Ine Ombimbiliya vala?

[Onondaka Mbavilapo pefo 4]

‘Mombimbiliya muna omaulo omanyingi afuiswapo, iya nawike upondola okupopia okuti afuiswapo vala okulihakamo.’​—OMUKANDA A LAWYER EXAMINES THE BIBLE, WA IRWIN H. LINTON

[Olutalatu Lualandwa pefo 4]

© Robert Harding Picture Library/​SuperStock