Omahipululo Ombimbiliya o Otyotyili, Hanoñganoko
Omahipululo Ombimbiliya o Otyotyili, Hanoñganoko
“Naovolola nawa ovipuka aviho, tunde konthyimbi.” —LUCAS 1:3.
OÑGENI OMBIMBILIYA YELIKALELA? Onoñgano mbuhipulula ovipuka vihuvisa, mahi kambupopi omphangu, nomanima, nomanyina ovanthu vahipululwa. Mahi, Ombimbiliya ihipulula ovipuka ovinyingi vitukalesa nonthumbi yokuti ‘onondaka mbayo ombotyotyili.’—Salmo 119:160, Nova Tradução na Linguagem de Hoje.
ONGELEKA: Ombimbiliya ipopia okuti “Nambukondonosole Ohamba Yombambilonia . . . yatuala Joaquim [Ohamba yo Judaa] koupika ko Mbambilonia.” Konyima, “Evil-Merodaque, ohamba Yombambilonia, menima avialekua, wapola mokaleya Joaquim ohamba yo Judaa.” Tupu, “ohamba apeho ankho imuavela [Joaquim] atyiho esukisa, ononthiki ambuho mbomuenyo wae.”—2 Reis 24:11, 15; 25:27-30.
OITYI OVANONGO VOKUHEYULULA OMATUNTHU VAVASA: Momatunthu Ombambilonia yokohale, ovanongo vokuheyulula vavasa omikanda viahonekwa pomuvo woutumini wa Nambukondonosole II. Ankho vipopia okulia kupewa vana vekahi mokaleya, novakuavo ankho vatekulwa nohamba. Omikanda ovio viapopia “Yaukin [Joaquim],” “ohamba yotyilongo tyo Yahud (Judaa),” nombunga yae. Iya konthele ya Evil-Merodaque, una wapinga Nambukondonosole? Popepi yepundaumbo lio Susa, kuavasiwa ombiya yoluma kuahonekwa okuti: “Ondyuo ya Marduk [Evil- Merodaque], Ohamba yo Mbambilonia, omona wa Nambukondonosole, Ohamba yo Mbambilonia.”
OITYI OVE USOKA? Okuti kuna omukanda omukuavo wongeleya upopia omahipululo ayandyuluka nawa nokuaviuka? Ine Ombimbiliya vala?
[Onondaka Mbavilapo pefo 5]
“Omahipululo Ombimbiliya apopia konthele yomuvo, nomphangu ovipuka viaenda, nokuaviuka nawa, nokuayandyuluka vali tyipona kese omukanda omukuavo wokohale.”—OMUKANDA A SCIENTIFIC INVESTIGATION OF THE OLD TESTAMENT, WA ROBERT D. WILSON
[Olutalatu pefo 5]
Omukanda wo Mbambilonia Upopia Joaquim Ohamba yo Judaa
[Lualandwa]
© bpk, Berlin/Vorderasiatisches Museum, SMB/Olaf M. Tessmer/Art Resource, NY