I koz en sel parol

“Okenn mesaz profesi pa’n ganny prezante par lavolonte imen, me se Sent-Espri ki’n pous zonm pour anons mesaz Bondye.”​—2 PYER 1:21.

DAN KI FASON LABIB I DIFERAN? Menm bann vye liv ki’n ganny ekrir pandan menm peryod letan, souvan zot kontredir kanmarad. I tre rar pour trouv bann liv ki’n ganny ekrir par diferan dimoun, dan diferan landrwa ek diferan peryod letan ki konpletman an armoni avek kanmarad. Pourtan, Labib i dir ki tou son 66 liv i annan zis en Loter, en mesaz e zot koz en sel parol.​—2 Timote 3:16.

EN LEGZANP: Moiz, ki ti en berze dan sezyenm syek A.N.L., ti ekrir dan premye liv Labib ki en “desandans” ti pou vin sov limanite. Pli tar, sa liv ti predir ki sa desandans ti pou en desandans Abraam, Izaak ek Zakob. (Zenez 3:15; 22:17, 18; 26:24; 28:14) Apepre 500-z-an pli tar, profet Natann ti revele ki sa desandans ti pou sorti dan desandans rwayal David. (2 Samyel 7:12) Mil an apre sa, zapot Pol ti eksplike ki Zezi ek en group son bann disip ti pou sa desandans. (Romen 1:1-4; Galat 3:16, 29) Finalman, a lafen premye syek Nou Lepok (N.L.), sa dernyen liv Labib ti profetize ki manm sa desandans ti pou anons konsernan Zezi lo later, ki zot ti pou al dan lesyel e ki zot ti pou rennyen avek li pour 1,000 an. Bann manm sa desandans ti pou detrir Dyab e sov bann imen.​—Revelasyon 12:17; 20:6-10.

SA KI BANN SPESYALIS LABIB I DIR: Apre ki i ti’n fer bokou resers lo sa 66 liv Labib, Louis Gaussen ti ekrir ki i ti etonnen par lefet ki Labib i koz en sel parol, menm si i ti ganny ekrir diran kenz san-z-an par en kantite ekriven. I ti sirprann ki zot tou zot ti pe koz lo en sel e menm plan e lo ki mannyer sa plan pe ganny realize tou dilon listwar. I ti konmsi zot tou zot ti’n fini konpran ki mannyer tou sa la ti pou fini e ki mannyer Garson Bondye ti pou delivre lemonn antye.​—Theopneusty​—The Plenary Inspiration of the Holy Scriptures.

KI OU PANSE? Eski ou ekspekte en liv ki’n ganny ekrir pandan en peryod letan plis ki 1,500-z-an par 40 zonm koz en sel parol? Oubyen Labib i en liv inik?

[Ekstre lo paz 7]

“Ler tou sa bann pti liv i ganny met ansanm zot form en sel liv . . . Parmi tou lezot liv ki’n ganny ekrir napa enn ki parey Labib.”​—THE PROBLEM OF THE OLD TESTAMENT, PAR JAMES ORR