DIKON BEIBEL TA DISTINTO? Tin algun buki ku hende ta konsiderá komo ekselente literatura, pero nan no ta sirbi pa guia hende. Awendia, konstantemente mester revisá bukinan di instrukshon. Di otro banda, wak kiko Beibel ta bisa di su mes: “Loke a ser skirbí anteriormente a ser skirbí pa nos instrukshon.”—Romanonan 15:4.

UN EHÈMPEL: Beibel no ta un buki médiko, pero e ta kontené sugerensianan práktiko ku ta yuda nos tin un mihó salú, tantu físiko komo emoshonal. Por ehèmpel, e ta bisa ku “un kurason trankil ta bida pa e kurpa.” (Proverbionan 14:30) Ademas, Beibel ta spièrta nos ku “esun ku isolá su mes ta buska su mes deseo; su furia ta lanta kontra tur sabiduria sano.” (Proverbionan 18:1) Pero di otro banda, e ta bisa ku “tin mas felisidat den duna ku den risibí.”—Echonan 20:35.

LOKE INVESTIGASHON A REVELÁ: Un hende ku ta generoso, trankil i amigabel ta disfrutá di un mihó salú. The Journal of the American Medical Association ta bisa: “Hende ku no por dominá nan rabia, tin dos biaha mas chèns di haña atake selebral ku hende ku sí ta dominá nan mes.” Un estudio di dies aña ku nan a hasi na Australia a mustra ku ora hende di edat tin “mas kontakto sosial ku amigu i hende di konfiansa,” nan tin chèns di biba mas largu. I na aña 2008, investigadónan na Canada i Merka a deskubrí ku “un persona ku ta usa su plaka pa yuda otro hende òf pa hasi regalo ta mas felis ku esun ku ta usa su plaka pa su mes benefisio.”

KIKO ABO TA PENSA? Abo lo sigui konseho médiko di kualke buki ku a ser skirbí mas ku 2.000 aña pasá? Òf Beibel ta e úniko?

[Komentario na página 8]

‘Mi ta stima Beibel su konsehonan médiko pasobra nan ta ekselente.’—HOWARD KELLY, M.D., FUNDADÓ I MIEMBRO DI E FAKULTAT MÉDIKO DI JOHNS HOPKINS UNIVERSITY