1. Eq­qumajuar­nis­satsin­nut misilin­neqar­neril­lu naam­magalugit ator­nis­saan­nut suna iluaqutigis­savar­put?

QANIT­TUK­KUT nunarsuarmi tupan­nar­tunik pisoqas­saaq. Biibilimi siulit­tuutit eq­quut­tarmata taamaat­toqar­nis­saa up­perisin­naavar­put. Taamaat­tumik eq­qumajuar­tariaqar­pugut. Taamaalior­nis­samut suna iluaqutigis­savar­put? Apustilip Paulusip kajumis­saar­paatigut ‘takus­saasut pin­nagit takus­saan­ngitsut isigis­sagivut’. Aap, qilam­mi nunarsuarmiluun­niit inuunermik naas­saan­ngitsumik akis­sarsinis­sar­put eq­qaamasariaqar­par­put. Versit ataqatigiin­neran­nit takusin­naavar­put Paulusip up­peqatiminut kajumis­saarutigigaa taak­ku aalajaat­tuarunik akis­sarsias­samin­nik isigin­nin­neruler­nis­saat. Taman­na misilin­neqar­ner­nik malersor­neqar­ner­nil­lu naam­magit­tarlutik atuinis­samin­nut iluaqutigis­savaat. — 2 Korinthimiut 4:8, 9, 16-18; 5:7.

2. (a) Neriuuter­put aalajaatsuutit­tuarumal­lugu susariaqar­pugut? (b) Al­laaserisami matumani tul­lianilu suut sam­mis­savavut?

² Paulusip kajumis­saarutaa pingaarutilim­mik ilin­niutis­sar­taqar­poq: Neriuuter­put aalajaatsuutit­tuas­sagutsigu eq­qumaf­figisas­savut tas­saagin­nan­ngil­lat takusin­naasavut aam­mali pisus­sat pingaarutil­lit takus­saan­ngitsut. (Hebræerit 11:1; 12:1, 2) Pisus­sat qulit naas­saan­ngitsumik inuunis­samut neriuutitsin­nut tun­ngasut al­laaserisami matumani tul­lianilu sam­mis­savavut.

3. (a) Pisus­saq suna Thes­salonikamiunut al­lak­kat siul­liit 5:2, 3-mi al­laatigineqar­pa? (b) Politik­kik­kut up­perisarsior­nik­kul­lu siut­tut sus­sagunar­pat?

³ Paulusip Thes­salonikamiunut al­lak­kamini pisus­sat taak­kua ilaat al­laatigaa. (Atuakkit 1 Thessalonikamiut 5:2, 3). Paulusip “Naalak­kap ul­lus­saa” eq­qaavaa. Taman­na aal­lar­tis­saaq up­perisarsior­nerup eq­qun­ngitsup  suujun­naarsin­neqar­neranik sak­kor­tuner­paas­sal­lunilu Harmagedonimi sorsun­nis­sami. Jehovap ul­lus­saata aal­lar­tin­ngitsiar­nerani silarsuarmi siut­tut oqas­sap­put: “Sumil­luun­niit aarlerinar­toqan­ngilaq!” Taman­na tas­saasin­naavoq pisus­saq ataaseq, pisus­saasin­naap­pul­luun­niit tul­leriigin­naat arlal­lit. Inuiaat isumaqas­sagunar­put ajor­nar­torsiuterujus­suamik ilaat aaq­qiis­sutis­sarsilerlugit. Up­perisarsior­nik­kut siut­tut qanoq ilius­sap­pat? Taak­ku silarsuarmut ilaap­put, taamaat­tumik politik­kik­kut siut­tut tapersersorlugit oqas­sagunar­put ‘sumil­luun­niit aarlerinar­toqan­ngitsoq’. (Saq­qum­mersitat 17:1, 2) Taamaaliorunik up­perisarsior­nik­kut siut­tut itsaq Judami pruf­fiitioq­qusersutut ima oqas­sap­put: “Eq­qis­sineqar­poq, eq­qis­sineqar­poq!” Jehovali oqar­poq eq­qis­sineqan­ngitsoq. — Jeremia 6:14; 23:16, 17.

4. Suna inuit amerlanerit paasin­ngisaat uagut paasivar­put?

⁴ ‘Sumil­luun­niit aarlerinar­toqan­ngin­nerarlugu’ oqar­tut kik­kuugaluar­pataluun­niit taamaat­toqar­nerata ersersis­savaa Jehovap ul­lus­saa aal­lar­tingajalersoq. Taamaat­tumik Paulusi ima al­lap­poq: “Qatan­ngutit, taarmiuun­ngin­nas­si ul­lus­sap taas­suma til­lit­tutut qanin­ngas­san­ngilaasi. Ilis­simi tamas­si qaamanerup ul­lul­lu qitor­naraasi.” (1 Thes­salonikamiut 5:4, 5) Ul­lumik­kut pisut pil­lugit Biibilimi al­las­simasut inuit amerlanerit paasin­ngik­kaluaraat uagut paasivavut. “Sumil­luun­niit aarlerinar­toqan­ngilaq”-mik oqar­toqar­nis­saa pil­lugu siulit­tuut qanor­piaq eq­quutis­sava? Naluar­put, paasinarsiumaar­porli. Taamaat­tumik ‘eq­qumanis­sar­put aalakuun­ngin­nis­sar­pul­lu’ aalajangiusimatigu! — 1 Thes­salonikamiut 5:6; Sefania 3:8.

5. (a) ‘Naal­liun­nar­toqangaar­neq’ qanoq aal­lar­tis­sava? (b) ‘Dron­ningi’ aniguinis­saminut periarfis­saminik kuk­kusumik naliliisoq kinaava?

⁵ Taava susoqas­sava? Paulusi ima al­lap­poq: “Inuit oqar­pata: ‘Sumil­luun­niit aarlerinar­toqan­ngilaq!’ taava perlus­sap tas­san­ngaan­naq tikik­kumaar­pai.” Perlus­saq aal­lar­tis­saaq up­perisarsior­neq eq­qun­ngitsoq saas­sun­neqar­pat. Up­perisarsior­neq eq­qun­ngitsoq ‘Babylonersuarmik’ aam­ma ‘ar­namik ator­tit­tar­tumik’ Biibilimi taaneqar­poq. (Saq­qum­mersitat 17:5, 6, 15) Up­perisarsior­ner­nik eq­qun­ngitsunik tamanik, aam­ma kristumiuunerar­tunik, saas­sus­sineq ‘naal­liun­nar­toqangaar­neranut’ aal­lar­niutaas­saaq. (Mat­thæusi 24:21; 2 Thes­salonikamiut 2:8) Taman­na inup­pas­suit tupas­sutigis­savaat. Sooq? Pif­fis­sap tamatuma tungaanut ‘ar­naq ator­tit­tar­toq’ isumaqas­sagami ‘dron­ningiul­luni aliasun­nar­tunik misigisaqan­ngisaan­nas­sasoq’. Paaseriataas­savaali aniguinis­saminut periarfis­sani kuk­kusumik nalilersimal­lugit. Tas­san­ngaan­naq, soorlulusooq   “ul­lormi ataatsimi”, suujun­naarsin­neqas­saaq. — Saq­qum­mersitat 18:7, 8.

6. Up­perisarsior­neq eq­qun­ngitsoq kik­kun­nit suujun­naarsin­neqas­sava?

⁶ Biibilimi al­las­simavoq ‘nersutip qulinik nas­sul­lip’ ar­naq ator­tit­tar­toq saas­sutis­sagaa. Saq­qum­mersitanik atuaq­qis­saar­nik­kut paasinar­poq nersut taan­na tas­saasoq Naalagaaf­fiit Peqatigiit. ‘Nas­suit qulit’ tas­saap­put naalagaaf­fiit ‘nersum­mik aap­pal­laaris­sumik’ tapersersuisut tamarmik. * (Saq­qum­mersitat 17:3, 5, 11, 12) Saas­sus­sineq taman­na qanoq aseruitigis­sava? Naalagaaf­fiit Peqatigiit ilaasor­taasa ar­naq ator­tit­tar­toq pisuus­sutaanik tamanik arsaas­savaat, inuunerlut­tuunera qulaas­savaat ‘neqaalu neril­lugulu ikual­las­savaat’. Naas­saan­ngitsumut suujun­naarsin­neqas­saaq! — Atuaruk Saqqummersitat 17:16.

7. ‘Nersum­mik’ saas­sus­sineq qanoq aal­lar­tis­sava?

⁷ Aam­ma Biibilimi siulit­tuum­mit erser­poq saas­sus­sineq taman­na qanoq aal­lar­tis­sasoq. Jehovap arlaatigut “nam­mineq piumasani”, tas­sa ar­nap ator­tit­tar­tup suujun­naarsin­nis­saa, politik­kik­kut naalak­kersuisunut ‘naam­mas­sitis­savaa’. (Saq­qum­mersitat 17:17) Up­perisarsior­nerit sorsun­nis­samut kajumis­saarisar­put silarsuarmilu ajor­nar­torsior­titsiuarlutik. Taamaat­tumik naalagaaf­fiit isumaqas­sagunar­put ar­naq ator­tit­tar­toq suujun­naarsik­kunik­ku iluanaar­nerus­sal­lutik. Aap, politik­kik­kut siut­tut ar­naq ator­tit­tar­toq saas­suk­kunik­ku isumaqas­sap­put namminneq piumasamit­tut iliorlutik. Uf­fa up­perisarsior­ner­nik eq­qun­ngitsunik tamanik aseruisitsisus­saq tas­saasoq Guuti. Tas­sa Saatanip aaq­qis­suus­sinerata im­mik­koor­tui im­min­nut saas­sutis­sap­put, Saatanil­lu unitsis­sin­naas­san­ngilai. — Mat­thæusi 12:25, 26.

8. ‘Gogi Magogimi nunaqar­toq’ kik­kun­nik saas­sus­sis­sava?

⁸ Up­perisarsior­nerup eq­qun­ngitsup suujun­naarsin­neqar­nerata kingor­na Guutimut kif­faasut suli ‘eq­qis­sisimal­lutik inuus­sap­put najugarisamin­ni qarmarsuaqan­ngitsuni’. (Ezekieli 38:11, 14) Il­lersor­neqar­pasin­natik Jehovamik pal­lorfigin­nit­tut qanoq pineqas­sap­pat? Isumaqar­nas­saaq ‘inuiap­pas­suar­nit’ saas­sun­neqar­tut. Taman­na Guutip oqaasiani ‘Gogip Magogimi nunaqar­tup’ saas­sus­sineratut al­laatigineqar­poq. (Atuakkit Ezekieli 38:2, 15, 16). Saas­sus­sineq taman­na qanoq isumaqarfigis­savar­put?

9. (a) Kristumiumut suna pingaar­ner­paava? (b) Up­per­nik­kut nakus­satsik­kumal­luta maan­na susariaqar­pugut?

⁹ Nalun­ngilar­put Guutip in­nut­tai saas­sun­neqas­sasut, taman­nali isumakuluutigerujus­suan­ngilar­put.  Jehovap aq­qata il­ler­narsisin­neqar­nis­saa kisimilu oqar­tus­saanerata qutsis­sisin­neqar­nis­saa uagut an­naan­neqar­nis­satsin­nin­ngar­nit pingaar­tin­neruar­put. Jehova ima oqar­poq: “Paasis­savarsi uanga tas­saasunga [Jehova].” Jehova min­ner­paamik 60-eriarluni taama isumalim­mik oqar­poq. (Ezekieli 6:7) Ezekielip siulit­tuutaata im­mik­kuul­laris­sor­taata tamatuma qanoq ilil­luni eq­quun­nis­saa soqutigingaar­par­put. Tatigaar­pul­lu ‘Naalak­kap mianerin­nitsini us­ser­nar­tunit aniguisin­neq sapin­ngik­kai’. (2 Petrusi 2:9) Maan­nangaaq sapin­ngisar­put tamaat up­per­nik­kut nakus­satsik­kusup­pugut qanorluun­niit nalaataqas­sagaluarut­ta Jehovamut as­suar­naat­tuarsin­naaq­qul­luta. Qanoq ilius­saagut? Qinusariaqar­pugut, Guutip oqaasia atuaq­qis­saarlugulu eq­qarsaatigeq­qis­saar­tariaqar­par­put Guutil­lu naalagaaf­fianik tusarlius­saq al­lanut oqalut­tuarisariaqarlugu. Taamaalior­nik­kut naas­saan­ngitsumik inuunis­samik neriuuter­put “kitsatut” sarfaatitsaalisitsisutut is­saaq. — Hebræerit 6:19; Tus­siaat 25:21.

10, 11. Harmagedoni qanoq aal­lar­tis­sava, taamanik­kus­samul­lu susoqas­sava?

¹⁰ Jehovamut kif­faasut saas­sun­neqar­pata tupan­nar­tumik sumik pisoqas­sava? Jehovap Jiisusi qilam­mior­pas­suil­lu aq­qutigalugit in­nut­tani ikius­savai. (Saq­qum­mersitat 19:11-16) Akuliun­neq taman­na tas­saas­saaq ‘Guutip Ajugaqan­ngitsup ul­lus­sarsuani sorsun­nis­saq’, Harmagedonimik taaneqar­toq. — Saq­qum­mersitat 16:14, 16.

¹¹ Gogimut sorsun­neq taman­na pil­lugu Jehova ima oqar­poq: “Panaq aq­qaq­qujumaar­para [Gogimut] qaq­qan­ni tamani, oqar­poq Guuti Naalagaq, tamarmik panatik ilamin­nut saatsis­savaat.” Saatanimut ililiut­tut paatsiveerul­lutik an­nilaangalis­sap­put im­min­nul­lu toqoraatilerlutik. Saatanili aam­ma eq­qugaan­ngitsoor­navian­ngilaq. Jehovami ima oqar­poq: ‘In­nermik ikual­las­saam­mil­lu torarfigitis­savak­ka [Gogi] sak­kutuuilu inuiaqatigiip­pas­suil­lu ilagisai.’ (Ezekieli 38:21, 22) Guutip taamaalior­nera qanoq kinguneqas­sava?

12. Naalagaaf­fiit suna paasilis­savaat?

¹² Naalagaaf­fiit ajorsar­titaarujus­suarunik taman­na Jehovap peq­qusineratigut pisoq nas­suerutigisariaqas­savaat. Taava im­maqa Saatanimut ililiut­tut, Egyptenimiut Israelik­kun­nik Imaq Aap­palaar­tuk­kut malersuisut oqar­nerat­tut, ima oqas­sap­put: ‘Naalagaq sorsup­poq il­lersorlugit.’ (2 Mosesi 14:25) Naalagaaf­fiit nalor­nisigiun­naas­savaat Jehova kiunersoq. (Atuaruk Ezekieli 38:23). Tamak­ku tamarmik pinis­saat qanoq qanitsigaa?

13. Inuusaliap Danielip takorruugaata im­mik­koor­tuisa tal­limaat pil­lugu suna ilisimavar­put?

¹³ Danielimik al­lak­kani siulit­tuut iluaqutigalugu Harmagedonip qanoq qanitsiginera paasisin­naavar­put. Danielip al­laatigaa inuusaliaq saf­fiugas­sanik as­sigiin­ngitsunik sanaaq. (Danieli 2:28, 31-33) Taan­na as­sersuutaavoq silarsuarmi naalagaaf­fis­suar­nut itsaq ul­lumik­kul­lu Guutip in­nut­taanut sun­niuteqangaarsimasunut. Tas­saap­put Babyloni, Mederit Perseril­lu naalagaaf­fiat, Grækerit Nunaat Romalu, nalitsin­nilu suli al­lamik naalagaaf­fis­suaqar­poq, taan­nalu kingul­lersaavoq. Danielip siulit­tuutaani inuusaliap isigai taak­kualu inuai naalagaaf­fis­suarmut tamatumun­nga as­sersuutaap­put. Sorsun­nersuarmi siul­lermi Tuluit Nunaat USA-lu suleqatigiil­lualer­put. Tas­sa inuusaliap Danielip takorruugaata im­mik­koor­tuisa tal­limaat tas­saavoq Tuluit Nunaata USA-l­lu naalagaaf­fis­suat. Inuusaliap im­mik­koor­tuisa kingul­lersaraat isigai taak­kualu inuai, taman­nalu isumaqar­poq Tuluit Nunaata USA-l­lu  naalagaaf­fis­suat naalagaaf­fis­suit kingul­lersaris­sagaat. Isigaasa taak­kualu inuaasa saviminermik marrarmil­lu sanaajunerat Tuluit Nunaata USA-l­lu naalagaaf­fis­suata san­ngiitsuuneranut as­sersuutaavoq.

14. Harmagedoni aal­lar­tip­pat naalagaaf­fik sorleq pis­saaneqar­ner­paas­sava?

¹⁴ Siulit­tuum­mi tamatumani Guutip naalagaaf­fia ujararujus­suarmut 1914-imi qaq­qamit kaan­ngar­tumut as­sersuun­neqar­poq. Qaq­qaq Jehovap kisimi oqar­tus­saaneranut, imaluun­niit naalak­kersuisin­naatitaaneranut, as­sersuutaavoq. Ujarak taan­na maan­nak­kut ingerlarsorsuataar­poq toraak­kaminut — inuusaliap isigaanut. Taak­ku inuusalial­lu sin­nera Harmagedonimi sequmisin­neqas­sap­put. (Atuakkit Danieli 2:44, 45). Taamaat­tumik Tuluit Nunaata USA-l­lu naalagaaf­fis­suat Harmagedoni aal­lar­tip­pat suli pis­saaneqar­ner­paas­saaq. Siulit­tuutip tamatuma eq­quun­nerata takunis­saa pis­sanganaq! * Jehoval­li Saatani sus­savaa?

15. Harmagedonip kingor­na Saatani anersaapiluil­lu suneqas­sap­pat?

¹⁵ Siul­lermik, Saatanip nunarsuarmi aaq­qis­suus­sinini suujun­naarsin­neqarluin­nar­toq takus­savaa. Saatanimi suneqas­sava? Apustilip Johan­nesip susoqas­sanersoq al­laatigaa. (Atuakkit Saqqummersitat 20:1-3). Jiisusip Kristusip, ‘in­ngilip itinersuarmut matuersaam­mik nas­sar­tup’, Saatani anersaapiluil­lu itinersuarmut nak­kar­tis­savai tas­saniitis­sal­lugil­lu ukiuni 1000-ini. (Lukasi 8:30, 31; 1 Johan­nesi 3:8) Taman­na iliuusius­saaq siul­leq pulateriaarsuup niaquata aseror­neqar­neranik kinguneqar­tus­saq. * — 1 Mosesi 3:15.

16. Saatanip ‘itinersuarmiiler­nera’ taas­sumun­nga qanoq isumaqas­sava?

¹⁶ ‘Itinersuaq’ Saatanip anersaapiluil­lu igitaaf­fis­saat suua? Oqaaseq ‘itinersuarmik’ nutser­neqar­toq aam­ma ‘nateqan­ngitsuusaar­tumik’ imaluun­niit ‘uut­tor­neqarsin­naan­ngitsumik’ nutser­neqarsin­naavoq. Itinersuaq Jehovap taas­sumalu in­ngiliata ‘itinersuarmut matuersaatil­lip’ kisimik angusin­naavaat. Saatani “inuiaqatigiin­nik tam­mar­titsis­saaq­qul­lugu” tas­sani par­naarus­saaq­qas­saaq. Biibilimi al­las­simavoq Saatani “løvitut uian­nisaar­tutut” it­toq. Itinersuarmiilerunili nipaarutis­saaq! — 1 Petrusi 5:8.

17, 18. (a) Pisus­sat suut sam­mereer­pavut? (b) Tamak­ku pereer­pata suna aal­lar­tis­sava?

¹⁷ Qanit­tuk­kut pingaarutilin­nik tupan­nar­tunil­lu pisoqas­saaq. ‘Sumil­luun­niit aarlerinar­toqan­ngin­nerarlugu’ oqar­neq qanoq pis­sanersoq pis­sangagaar­put. Taama oqareer­pata Babylonersuup suujun­naarsin­neqar­nera, ‘Gogip Magogimi nunaqar­tup’ saas­sus­sinera Harmagedonimilu sorsun­nis­saq takus­savavut. Kiisalu Saatani anersaapiluil­lu itinersuarmut nak­kar­tin­neqas­sap­put. Tamak­ku pereer­pata, ajus­suseerutereer­pat, inuuner­put al­lan­ngorluin­nas­saaq — ukiuni 1000-ini Kristusip naalak­kersuinerani ‘eq­qis­sinangaar­toq’ (1900) nuan­naarutigis­sagatsigu. — Tus­siaat 37:10, 11.

¹⁸ Al­laaserisami matumani ‘takus­saan­ngitsut’, imaluun­niit pisus­sat, tal­limat misis­sor­pavut. Aam­ma suli al­lanik ‘takus­saan­ngitsoqar­poq’ ‘isigisariaqak­katsin­nik’. Pisus­sat taak­ku al­laaserisami tul­liut­tumi sam­mineqas­sap­put.