1-3. (a) Jiisusip as­sersuusiai marluk paasisin­naanias­sagatsigit pisut suut iluaqutigisin­naavavut? (b) Apeq­qutit suut akis­sutis­sarsisariaqar­pavut?

TAKORLOORIARUK qaf­fasis­sumik atorfilik pingaarutilim­mut ataatsimiigiar­niarluni ilin­nut biiliuteq­qusoq. Aal­lugu aninis­sat minutsialun­nik sioq­qul­lugu paasiler­pat biilit naam­mat­tumik orsus­saqan­ngitsoq, taamaat­tumik orseriar­tupal­lap­pat. Orseriar­tor­til­lutit atorfilik tak­kup­poq. Qineraluar­paatit takunatil­li. Utaq­qisin­naan­ngin­nami al­lamut biiliuteq­quvoq. Kingunitsian­ngua aal­lugu tak­kuk­kavit paasivat ingerlareersimasoq. Taamaat­toqar­tuup­pat qanoq misigis­sagaluar­pit?

² Takorlooriaruk il­lit atorfiliusutit. Angalasus­saagavit angutit piuk­kun­naatil­lit pingasut pingaarutilin­nik sulias­sip­patit. Qanoq ilior­nis­saan­nik nas­suiaap­patit, sul­lik­kumal­lutil­lu tamarmik pingasuul­lutik akuersip­put. Kingusin­nerulaar­tuk­kul­li uteravit paasivat angutit marluin­naat in­nersuus­sutitit malis­simagaat. Taman­naan­naan­ngilarli, aam­mali in­nersuus­sutin­nik malin­nin­ngitsoq utoq­qatsis­sutis­sarsior­poq. Sulias­saniluun­niit suliariniarlugu iliuuseqarsiman­ngilaq. Il­lit qanoq misigis­sagaluar­pit?

³ Pisut taak­ku marluk niviarsiat talentil­lu pil­lugit as­sersuusianut as­singup­put. Jiisusip as­sersuusiat taak­ku ator­pai takutin­niarlugu sooq kristumiut tanitat ilaat naggatis­sap nalaani ilumoor­tuul­lutil­lu silatuujus­sasut ilaat al­lat taamaan­ngitsut. * (Mat­thæusi 25:1-30) As­sersuusiat ilin­niutis­sar­taat erseq­qis­sar­niarlugu ima oqar­poq: “Eq­qumagitsi, ul­loq nalunaaqut­tap-akun­neraluun­niit nalugas­siuk”. Jiisusip uani Guutip Saatanip silarsuaanut eq­qar­tuus­sif­fis­saa pivaa. (Mat­thæusi 25:13) Aam­ma uagut ‘eq­qumajuar­tariaqar­pugut’. Jiisusip oqaasii malil­lugit ilior­ner­put sooq iluaqutigis­savar­put? Kik­kut eq­qumap­pat? Aam­ma eq­qumaniarluta mas­sak­kut qanoq ilius­saagut?

4. Sooq ‘eq­qumaneq’ qas­sin­ngor­neranik alaatsinaagin­navin­nerun­ngila?

⁴ Pif­fis­sap qanoq ilinerata sianiginis­saa ilaan­nik­kut pingaaruteqar­tar­poq. As­sersuutigalugu aam­ma taamaap­poq suliar­tus­sagaan­ni, nakorsiar­niaraan­ni imaluun­niit ilaasar­taatinut ilaaniaraan­ni. Ikual­lat­tumil­li qatseriniaraan­ni imaluun­niit ajunaar­nersuup kingor­na an­naas­siniar­niaraan­ni nalunaaqut­tap qiviaqat­taar­tuar­nis­saa al­lamut saasaataasin­naavoq, al­laal­lumi navianarsin­naavoq. Taamaat­toqar­til­lugu aal­lutas­sat aal­lul­luin­nar­nis­saat pingaaruteqar­nerujus­suuvoq. Aaq­qis­suus­saanerup matuma naggatis­saa qanil­liar­tor­til­lugu Jehovap inuit an­natsik­kumal­lugit iliuuserisimasai pil­lugit oqalut­tuar­nis­saq aatsaat taama pingaaruteqar­tigaaq. Kristumiutut eq­qumaneq tas­saan­ngilaq nalunaaqut­tamut qiviaqat­taagin­navin­neq, tas­sa naggatis­sap qaqugu tikiun­nis­saa alaatsinaagin­naavil­lugu. Naggatis­sap qaqugu tikiun­nis­saanik ilisimasaqannginnerput min­ner­paamik tal­limatigut iluaqutigisin­naavar­put.

5. Qanoq ul­lormik nalunaaqut­tal­lu-akun­neranik ilisimasaqan­ngin­ner­put uum­matitsin­niit­tunik takutitseqataasin­naava?

⁵ Siul­lermik, naggatis­saq qaqugu tikiutis­sanersoq ilisiman­ngin­natsigu qanoq uum­mam­mioqar­nerluta takutitsinis­satsin­nik periarfis­saqar­pugut. Jehovap im­minerminut ilumoorfigin­nerusun­nerluta periarfis­sik­kamisigut ataq­qin­nin­nermik takutitsivigaatigut. Soorunami aaq­qis­suus­saanerup matuma naggatis­saanit aniguinis­saq naas­saan­ngitsumil­lu inuuneqaler­nis­saq qilanaaraar­put, taak­kuli pingaar­ner­paajutil­lugit Jehova kif­far­tuutin­ngilar­put. Asagatsigu kif­far­tuup­par­put. (Atuaruk Tussiaat 37:4). Taas­suma piumasaqaataatut ilior­nis­saq nuan­naarutigaar­put nalun­ngin­natsigu uatsin­nut iluaqutaasunik ajoqersuisar­toq. (Esaja 48:17) Inas­sutai ar­tor­nar­tuun­ngil­lat. — 1 Johan­nesi 5:3.

6. Guutimut asan­nin­ner­put pis­sutigalugu kif­far­toraangat­ta taan­na qanoq misigisar­pa, aam­ma sooq?

⁶ Aap­pas­saanik, ul­loq nalunaaqut­tal­luun­niit-akun­nera ilisiman­ngin­natsigu Jehovap uum­mataanik nuan­naar­titsinis­satsin­nik periarfis­saqar­pugut. Asan­nin­ner­put pis­sutigalugu Jehova kif­far­tuuk­kaangatsigu — naggatis­sap qanil­linera imaluun­niit akis­sarsitin­neqar­nis­sar­put pis­sutigiin­nar­nagu — akeraata Saatanip taas­sumun­nga un­nerluus­sinerinut eq­qun­ngitsunut akis­sutaasar­pugut. (Jobi 2:4, 5; atuaruk Ussatit 27:11). Diaavulup naal­liungaar­neq aliasungaar­nerlu pilersis­simasaa eq­qarsaatigigaangatsigu Jehovap kisimi oqar­tus­saas­suseqarluni naalagaas­susianik tapersersuiner­put Saatanil­lu naalak­kersuineranik ajor­tumik itigar­titsiner­put nuan­naarutigisar­par­put.

7. Sooq im­minut pil­liutigeriaan­naal­luni inuuneq iluaqutaasoraajuk?

⁷ Pingajuat­tut, naggatis­saq qaqugor­piaq tikiutis­sanersoq ilisiman­ngin­natsigu pil­liutigeriaan­naal­luta inuunis­satsin­nut kajumis­sis­sutigaar­put. Guutimik ilisarisiman­nin­ngitsut ilaat isumaqar­put­taaq silarsuaq ul­lumik­kutut itsil­luni atangaarun­nan­ngitsoq. Taak­kua nunarsuup qanit­tuk­kut aseror­neqar­nis­saa an­nilaangatigigamik­ku ima isigin­nit­taaseqar­put: “Neril­lutalu er­ngutiin­nar­niar­ta, aqagu toqus­sagat­ta!” (1 Korinthimiut 15:32) Uagul­li an­nilaangan­ngilagut. Aam­ma im­mik­koor­niar­tuul­luta inoorusun­ngilavut nam­minerlu iliuusererusutavut kisiisa aal­luterusun­ngilavut. (Us­satit 18:1) Jehoval­li piumasaa malil­lugu ilior­nis­sar­put sal­liup­par­put, pif­fis­sar­put nukivut pigisavul­lu atorlugit Guutip naalagaaf­fia pil­lugu oqaluus­sinitsigut. (Atuaruk Matthæusi 16:24). Guutimik kif­far­tuus­sineq nuan­naarutigeqaar­put, ingam­mik al­lat ikiorlugit taas­suman­nga ilisarin­nilersik­kaangatsigit.

8. Jehovamik oqaasianil­lu tatigin­nil­luin­nar­nisat­ta pingaaruteqar­nera Biibilimi as­sersuusiami sorlermi takutin­neqar­pa?

⁸ Sisamas­saan­nik, ul­loq nalunaaqut­tal­luun­niit-akun­nera ilisiman­ngin­natsigu Jehovamik tatigin­nil­luin­nar­nis­satsin­nut oqaasialu naaper­torlugu iliuuseqar­nis­satsin­nut iluaqutigaar­put. Naam­mal­luin­nan­ngitsuugat­ta im­mitsin­nut tatigival­laaq­qajaasar­pugut. Paulusip kristumiut tamaasa ima mianersoq­quai: “Kinaluun­niit patajaatsuusorisoq mianersorli orloq­qunani.” Paulusip eq­qaavaa Israelik­kut 23.000-it nunamut neriorsuutigisamut isin­ngitsiar­nermin­ni Jehovamut naalan­ngin­ner­tik pis­sutigalugu  toqusimasut, aam­ma eq­qaavaa ‘tamak­ku tamarmik al­las­simasut uatsin­nut ul­lut naggatis­saan­nik angumerin­nit­tunut ilitsersuutaal­lutik.’ — 1 Korinthimiut 10:8, 11, 12.

9. Misilin­neqar­nitsin­ni Jehovamut up­per­ner­put ikin­ngutaaner­pul­lu qanoq nakus­satsin­neqarsin­naap­pat?

⁹ Tal­limas­saan­nik, naggatis­saq qaqugu tikiutis­sanersoq ilisiman­ngin­natsigu misilin­neqaatit ilin­niarfiginis­saanut up­per­nit­talu nakus­satsin­nis­saanut iluaqutigaar­put. (Atuaruk Tussiaat 119:71). Aaq­qis­suus­saanermi matumani ul­lut kingul­liit ilumut ‘ul­luup­put atugarliungaarfiusut’. (2 Timotheusi 3:1-5) Saatanip silarsuaani inup­pas­suit qin­ngarsor­paatigut, tamatumalu kinguneranik up­perisar­put pis­sutigalugu malersor­neqarsin­naasar­pugut. (Johan­nesi 15:19; 16:2) Misilitsin­nitsin­ni taamaat­tuni maniguut­tarut­ta Guutimil­lu siulersor­tit­tarut­ta up­per­ner­put minguiar­neqas­saaq imaluun­niit akuiagaas­saaq, saviminis­sat in­nermik minguiar­neqar­tar­nerat­tut. Misilin­neqar­nerit pis­sutigalugit nak­kaan­nar­tan­ngilagut, Jehovali takorloorsiman­ngisatsin­nik qanimut ikin­ngutigil­lualersimavar­put. — Jaaku 1:2-4; 4:8.

10. Qaquguk­kut pif­fis­saq ingerlapal­las­sorisar­par­put?

¹⁰ Pif­fis­saq ilaan­ni suk­kanerusar­porlusooq ilaan­nik­kul­li arrin­neror­pasit­tarluni. Ulapik­kaangat­ta nalunaaqutarlu qivial­lat­taan­ngik­kaangatsigu pif­fis­saq sivisuuin­navit­tar­porlusooq. Aam­ma Jehovap sulias­siis­sutigisimasaa pis­sanganar­toq aal­lul­luin­naraangatsigu taamaat­tar­poq, taava naggatis­saq ilimagin­ngivil­lutigu nal­lius­sin­naavoq. Ulap­puteqar­nermut tun­ngatil­lugu tanitat amerlanersaat nalis­saqan­ngitsumik maligas­saal­luar­put. Jiisusip 1914-imi kun­ngitut iver­tin­neqar­nerata kingor­na susoqarsimaner­nera sam­milaariar­tigu, maluginiarlugulu kik­kut piareeq­qasimanersut kik­kul­lu piareeq­qasiman­ngitsut.

11. Sooq tanitat ilaasa Naalagaq 1914-ip kingor­na mulusorisimavaat?

¹¹ Jiisusip niviarsiat talentil­lu pil­lugit as­sersuusiai sam­meq­qilaariar­tigit. As­sersuusiani taak­kunani niviarsiat imaluun­niit kif­fat naalagar­tik qaqugu tikius­sanersoq ilisimasuugunik­ku eq­qumasariaqaratil­lu piareersimasariaqan­ngil­lat. Naalak­kamil­li qaqugu tikiutis­sanersoq ilisiman­ngin­namik­ku piareersimajuar­tariaqar­put. Tanitat ukior­pas­suar­ni nalusiman­ngilaat ukioq 1914 im­mik­kut it­tuus­sasoq, susoqarumaar­nerali paasivin­ngilaat. Ilimagisaat­tut pisoqan­ngim­mat uis­saq mulor­pasis­sorisin­naavaat. Qatan­ngut angut kingusin­nerusuk­kut ima oqar­poq: “Ilar­pas­suagut isumaqarluin­nar­put oktobarimi [1914-imi] sapaatip-akun­nerata siul­liup ingerlanerani qilaliarumaar­tugut.”

12. Tanitat amerlanersaasa aalajaatsuuner­tik sianisuujuner­til­lu qanoq ersersip­paat, qanorlu akis­sarsisin­neqar­pat?

¹² Takorlooruminar­poq naggatis­sap ilimagisatut tikiutin­ngin­nera qanoq nikal­lual­lan­narsimatigis­sasoq! Aam­mat­taaq qatan­ngutit sorsun­nersuup siul­liup nalaani malersor­neqar­put. Tanitat pif­fis­sap ilaani unit­tooq­qap­put, sinil­lutil­lusooq. 1919-imili itersar­neqar­put. Jiisusi Guutip anersaak­kut naalaf­fianut tikiup­poq naalaf­fik misis­suif­figiar­torlugu. Ilaat misis­suif­figineqar­nermin­ni akuerisaan­ngil­lat Naalagar­til­lu Jiisusi sul­lis­sin­naajun­naar­paat. (Mat­thæusi 25:16) Anersaak­kut uuliamik naam­mat­tumik nas­sataqar­nis­sar­tik isumagisiman­ngin­namik­ku niviarsis­satut sianiitsutut ip­put. Kif­faq eqiasut­toq as­sigalugu Naalagaaf­fik pil­lugu pil­liuteqarusun­ngil­lat. Tanitat amerlanersaat ilumoorfigin­nil­luin­nar­put al­laal­lu sorsun­nerup nalaani atugarlior­nermin­ni ersersip­paat Naalak­kamin­nik qaman­nga pisumik kif­far­tuus­serusul­lutik. Jiisusip neriorsuisimaneratut kristumiut aalajaatsut sianisuul­lu taak­ku akisus­saaf­fim­mik an­nerusumik tunineqar­put. — Mat­thæusi 24:45-47.

13. Inus­siaqatigiit 1914-ip kingor­na qanoq isigin­nit­taaseqarsimap­pat, aam­ma ul­lumik­kut qanoq isigin­nit­taaseqar­pat?

¹³ Oqaaseqaat una Vagt-Taarnet-imi apriili 1916-imoor­tumi saq­qum­miun­neqar­poq: “Qatan­ngutit, uagut Guutimut at­taveqarluar­tuusugut taas­suma aaq­qis­suus­saasigut suugaluar­tutigul­luun­niit pakatsisin­neqas­san­ngilagut. Kis­saatigisiman­ngilar­put uagut piumasar­put pis­sasoq; taamaat­tumil­lu 1914-imi oktobarimi utaq­qisagut eq­qun­ngitsuusut  paasigatsigu nuan­naarutigaar­put Naalak­kap pilersaarutini uagut iluarusutsin­niaan­narluta al­lan­ngor­tin­ngim­magu. Taamaalior­nis­saa kis­saatigin­ngilar­put. Taas­suma pilersaarutaa siuner­taalu paasinis­saat taamaal­laat kis­saatigaar­put.” Maniguun­neq Guutil­lu piumasaanik ilior­nis­samut kajumin­neq taamaat­toq Naalak­kap tanitaanut ul­lumik­kut ilisar­naataavoq. Taak­ku isumas­sarsisitaanerar­neq ajor­put Naalak­kal­li nunarsuarmi sulias­siis­sutigisai suliarerusup­paat. Ul­lumik­kul­lu “inup­pas­suit” imaluun­niit ‘savat al­lat’ — kristumiut nunarsuarmi inuunis­samin­nik neriuuteqar­tut — eq­qum­maarin­nermik­kut aal­lus­sil­luar­nermik­kul­lu tanitat maligas­siaan­nik malin­nip­put. — Saq­qum­mersitat 7:9; Johan­nesi 10:16.

14. Sooq uagutsin­nut iluaqutaasar­pa inus­siap aalajaal­lunilu silatuup ilin­niar­titsis­sutaanut naalan­ner­put?

¹⁴ Guutip kif­faq aalajaal­lunilu silatooq in­nut­tani anersaak­kut nerisas­sanik tunisaq­qul­lugit imaluun­niit oqaatsiminik anersaaminil­lu iluaqutigin­nis­sin­naaq­qul­lugit toq­qarsimavaa. Taamaalior­nermik­kut qul­litik uuliamik anersaak­kut it­tumik Guutip oqaasianeersumik anersaavaneersumil­lu im­mer­tar­paal­lusooq. (Atuakkit Tussiaat 119:130; Johannesi 16:13). Taamaalior­ner­tik Kristusip tikiun­nis­saanut piareersimanis­samin­nut nukis­saqalis­sutigisar­paat al­laal­lu ilungersunar­tunik misilitsik­kaluarlutik suliniar­tuar­nis­samin­nut iluaqutigisar­paat. Taman­na as­sersuum­mit matumin­nga ilaatigut ersersin­neqar­poq: Qatan­ngutit nazistit tigusanut inis­siisarfian­niit­tut ataasiin­narmik Biibiliuteqar­put, taamaat­tumik Jehova qin­nuigaat anersaak­kut nerisas­sanik amerlaner­nik tuneq­qul­lutik. Kingunitsian­ngua tusar­paat qatan­ngut inis­sin­neqaq­qam­mersoq iluatsitsil­luni Vagttårnet-inik arlalialun­nik saq­qum­meq­qam­mersunik eq­qus­sisimasoq, qisum­mut niuusaminut toq­qorsimasaminik. Qatan­ngutit aniguisut ilaat, Er­nst Wauer, kingusin­nerusuk­kut ima oqalut­tuar­poq: “Jehovap tupin­naan­nar­tumik periuseqarluni ikiorluta eq­qarsaatit nukis­saqaleq­qin­nar­tut al­laaserisaniit­tut eq­qaamasin­naan­ngor­tip­pai.” Aam­ma ima nangip­poq: “Anersaak­kut nerisas­sat pis­sarsiarinis­saat ul­lutsin­ni ajor­nan­ngitsuararsuuvoq, pingaar­tit­tuaan­nar­ner­pavum­mi? Qularin­ngil­luin­nar­para Jehovap inuit im­minerminut tatigin­nit­tut aalajaat­tuar­tul­lu, aap, kik­kul­luun­niit taas­suma nerriviani nerisut, pil­luaq­qus­sutis­saqar­tingaarai.”

15, 16. Aap­pariit oqaluus­sinermi eqiasuin­ner­tik qanoq pil­luaq­quneqaatigaat, misilit­tak­kal­lu taamaat­tut qanoq ilin­niarfigisin­naavigit?

¹⁵ Savat al­lat Naalak­kap sulias­saanik ulap­puteqar­nermik­kut Kristusip qatan­ngutaanik ikiuisar­put. (Mat­thæusi 25:40) Jiisusip as­sersuusiaani  kif­faq ajor­toq eqiasut­torlu as­siginagu taak­kua pil­liuteqar­nis­samin­nut piareersimap­put aam­ma Guutip naalagaaf­fianik inuunermin­ni sal­lius­sinis­samin­nut ilungersorlutik suliniuteqar­tar­put. Jon Masakolu as­sersuutigeriar­tigit. Aap­pariit taak­ku Kenyamukaq­qusaap­put kineserisut oqalut­tut oqaluus­sif­figiar­torlugit. Nangaaq­qaaraluar­put, eq­qarsaatigil­luareerluguli Jehovalu qinunik­kut saaf­figereerlugu nuun­niarlutik aalajanger­put.

¹⁶ Eqiasuil­lutik suliniuteqar­nerat pil­luaq­quneqangaar­poq. Ima oqalut­tuar­put: “Maani oqaluus­sineq nuan­nerluin­nar­poq.” Arfineq-marlun­nik atuaq­qis­saaqateqar­taler­put al­lanil­lu pis­sanganar­tor­pas­suar­nik misigisaqarlutik. Aam­ma ima nangip­put: “Maaniis­sin­naagat­ta Jehova ul­lut tamaasa qutsavigisar­par­put.” Aam­ma naggatis­sap qaqugu tikiun­nis­saa apeq­qutaatin­nagu qatan­nguter­pas­suaqar­poq Guutimut kif­far­tuus­sinermin­ni ulap­puteqar­tunik. Ilin­niarfik Gileadi-mi ilin­niareersimasut ajoqersuiar­tor­titatul­lu sulilersimasut tusindilip­pas­suit eq­qarsaatigeriak­kit. Kif­far­tuut im­mik­kut it­toq taan­na al­laaserisap “Vi gør vor­t bedste” Vagttårnet 15. oktobari 2001-imeersup atuar­neratigut paasisaqarfigisin­naavat. Ajoqersuiar­tor­titap ul­luin­nar­ni qanoq misigisaqar­tar­nera pil­lugu al­laaserisaq soqutiginar­toq taan­na atuaruk­ku eq­qarsaatigiuk il­lit Guutimut kif­far­tor­nin­ni qanoq nuan­naarutigisan­nik kif­far­tor­nerulersin­naanersutit.

17. Ul­loq nalunaaqut­tal­luun­niit-akun­nera ilisiman­ngin­nera qanoq iluaqutigaar­put?

¹⁷ Aaq­qis­suus­saanerup matuma naggatis­saata nal­liun­nis­saanut ul­loq nalunaaqut­tal­luun­niit-akun­nera ilisimaq­qis­saan­ngin­nera isumatsaatiginaguluun­niit pakatsis­sutigin­ngilar­put, akerlianil­li taman­na iluaqutigeqaar­put. Jehovap piumasaanik ulap­putigin­nin­nis­satsin­nut taas­sumun­ngalu suli qanin­nerusumik at­taveqaler­nis­satsin­nut iluaqutigisimavar­put. Jiisusip sulias­siis­sutaanik sal­liutitsiuar­ner­put al­lanul­lu saasaataasin­naasunik sam­misaqan­ngin­nat­ta Jehovamut kif­far­tor­ner­put pil­luaatigaar­put. — Lukasi 9:62.

18. Sooq Guutimik kif­far­tuus­sinitsin­ni aalajaat­tuarusup­pugut?

¹⁸ Pis­sutsit aaq­qis­suus­saanerata matuma naggatis­saa qanit­tuararsuum­mat Guutimut kif­far­tor­nitsin­ni aalajaak­kusup­pugut. Jehova Jiisusiluun­niit pakatsisik­kusun­ngilavut. Ul­luni kingul­ler­ni mak­kunani taak­kua suliamik nuan­ningaar­tumik sulias­sis­simavaatigut, uagutsin­nil­lu tatigin­nin­nerat qujamasuutigingaar­par­put! — Atuaruk 1 Timotheusi 1:12.

19. Qanoq takutis­sin­naavar­put piareersimal­luta?

¹⁹ Qilam­mi inuunis­saq nunarsuarmiluun­niit paratiisiusumi inuunis­saq neriugisarigaluarutsiguluun­niit Guutip oqaluus­sinis­samik ajoqersugan­ngor­titsior­tor­nis­samil­lu peq­qus­sutaata naalat­tuar­nis­saa aalajangiusimajuar­tigu. Ul­lormi nalunaaqut­tal­luun­niit-akun­nerani sorlermi Jehovap ul­lus­saa nal­lius­sanersoq ilisiman­ngilar­put, ilisimasariaqar­par­pul­li? Piareersimajuaan­narsin­naal­lutalu piareersimajuarusup­pugut. (Mat­thæusi 24:36, 44) Qularutigin­ngil­luin­narsin­naavar­put Jehova tatigil­luin­narutsigu naalagaaf­fialu sal­liut­tuarutsigu pakatsisin­neqan­ngin­nis­sar­put. — Romamiut 10:11.