JEHOVÁ DIOSMI ‘yachachiqninchisqa’ (Isa. 30:20). Munakusqanraykun serviqninkunata yachachin. Diosqa Jesusta munakuspanmi “lliw imaymana ruwasqanta rikuchin” (Juan 5:20). Munakuwasqanchisraykun Testigonkunata ‘allinta yachachiwanchis’, chaymi kallpachakunchis payta hatunchanapaq, runamasinchista yanapanapaqpas (Isa. 50:4).

Yachachikuymanta Encargakuqkunapas Diospa munakusqanta qatikuspan llapa munaqkunata, atiqkunatapas chunka escuelakunawan yanapan. ¿Reparankichu chay escuelakunapi Diospa munakuyninta?

Chay escuelakunamanta, chayman riqkunaq imachus nisqankutapas yachanaykipaq kallpachakuy. Hinaspa tapukuy: “¿Imaynatan yanapawanman chay escuelaman risqay?”, nispa.

‘Munakuwaqninchis Diospa’ qowasqanchis escuelaqa kusichiwanchismi kawsayninchispi, yanapawanchismi sasachakuykunata atipanapaq, Diosta kusisqa servinapaqpas (2 Cor. 13:11). Ñawpa tiempopi cristianokunata hinan ñoqanchistapas preparawanchis Jesuspa kamachiwasqanchista hukkunaman ‘yachachimunapaq’ (Mat. 28:20).

Manapaschá llapa escuelakunaman riyta atisunchu, ichaqa huknin escuelallapipas kasunmanmi. Chaymantapas Bibliamanta yachachikuykuna lloqsimuqkunawanmi yanapachikusunman. Sichus chay escuelakunaman riq cristianokunawan predicasun chayqa, aswan allin predicaytan yachasun.

Chhaynaqa, tapukuy: “¿Atiymanchu mayqen escuelallamanpas riyta?”, nispa.

Diosta serviqkunaqa ancha allinpaqmi chay escuelakunata qhawarinchis, hinallataq chaypi yachachikuykunatapas. Chay escuelakunaqa yanapawanchismi astawan Diosman asuykunapaq, Diospa llaqtanpi llank’aykunata allinta hunt’anapaqpas, astawanqa predicayninchis apariypi.