YEHOVA eye ‘Ulongisi wetu wa Velapo.’ (Isa. 30:20) Ocisola co vetiya oku longisa omanu loku va pindisa. Omo okuti Yehova wa vetiyiwa locisola, wa lekisa ku Yesu ‘ovina viosi a kasi oku linga.’ () Omo liocisola Yehova a tu kuetele, wa tu ĩha “elimi liuloño,” oco tu linge ovina vi eca esivayo kokuaye haivio vi kuatisa omanu.?—Isa. 50:4

Ocisoko Celongiso Cosungu Yolombangi Via Yehova, ci kuãi ongangu ya Yehova yoku lekisa ocisola, poku sokiya ekũi liolosikola vioku pindisa vamanji vana va kuete onjongole okuti, ekalo liavo li va ecelela oku pindisiwa kolosikola viaco. O tava h? okuti olosikola viaco vi eca uvangi wocisola ca Yehova?

Kũlĩhĩsa olosikola vioku pindisa Akristão vi kasi oku lingiwa, kuenda konomuisa ovolandu a vamanji va pindisiwa kolosikola viaco. Noke, lipula ndoco: ‘Ndi pondola ndati oku kuatisiwa lepindiso li tunda ku Suku?’

Omo okuti Yehova eye “Suku yocisola,” wa linga eliangiliyo liepindiso limue li kuete esilivilo kokuetu okuti, li tu pongiya oku yula ovitangi, kuenda li tu vetiya oku sanjukila upange woku kunda. () Ndeci olondonge via Yesu via linga kocita catete, tu pondolavo oku liangiliya oco tu kuatise omanu oku va ‘longisa oku linga ovina viosi’ Suku a tuma.—Mat. 28:20

Ndaño ka tu pondola oku pindisiwa kolosikola viosi, pole, citava okuti tu kuatisiwa la yimue pokati kolosikola viaco. Tu kuatisiwavo poku kapako olonumbi Viembimbiliya via siata oku eciwa kolosikola viaco. Tu pondola oku vokiya upange woku kunda, poku talavaya kumosi la vamanji vana va pindisiwa ciwa la Yehova.

Omo liaco, lipula ndoco: ‘Anga h? ekalo liange li ecelela oku pindisiwa la yimue pokati kolosikola viaco?’

Afendeli va Yehova, va velisapo esumũlũho lioku eca ekuatiso kolosikola viaco kuna va siata oku longisiwa. Ecelela okuti, epindiso wa tambula, li ku kuatisa oku kuata ukamba la Suku, loku t?lisa ovikele wa tambula kokuaye, ca piãla enene upange woku kunda olondaka viwa, u kasi oku lingiwa lonjanga koloneke vilo..