AJOR­TILIUNER­PUT, silarsuaq inuuf­figisar­put Saatanilu Diaavulu uagutsin­nut sun­niuteqangaar­taraluar­tut akiorsin­naavavut! Qanoq? Guutimut at­taveqarluar­nik­kut taas­sumalu najoq­qutas­siai oqaasianiit­tut, Biibilimiit­tut, atorluar­neqareersut malil­lugit inuunitsigut. Oqalut­tuat marluk sam­meriar­tigit.

NAJOQQUTASSIAQ BIIBILIMIITTOQ: “Silarsuarmut matumun­nga naleq­qus­sar­niaqinasi.” — Romamiut 12:2.

Misigisalikkersaarut: Guilhermep Brasiliamiup niuil­laq­qis­sup nas­suerutigaa un­neq­qaris­suunis­sap imaan­naan­ngitsuunera. Ima oqar­poq: “Niuer­toq, im­maqa sulif­fiutimi anguniagaasa piviusun­ngor­tin­nis­saanut tatineqar­tar­nini silarsuarmiluun­niit unam­mil­lerfioqisumi angum­man­niar­nini pis­sutigalugit, un­neq­qaserlut­tun­ngoriar­tuaarsin­naavoq. Inup­pas­suar­nit akiliil­luni peq­quserlutsitsisar­neq akilersil­luniluun­niit peq­quserlut­tar­neq nalingin­naasutut isigineqar­poq. Nam­minersor­tutut aningaasaqar­nik­kut an­ner­tuumik akisus­saaf­feqaraan­ni un­neq­qaris­suunis­saq unam­miniar­nar­tuusin­naasar­poq.”

Taamaak­kaluar­toq Guilhermep un­neq­qaserlun­nis­saminut tatineqar­nini akiorluar­paa. Ima oqar­poq: “Niuer­neq un­neq­qaserluf­fiugaluaqisoq un­neq­qaris­suusoqarluarsin­naavoq. Ileq­qus­satigut najoq­qutas­siat qutsis­sut malin­neqar­tariaqar­put. Biibili iluaqutigalugu un­neq­qaris­suunerup iluaqutis­sar­tai paasivak­ka. Inuk un­neq­qaris­soq ilerasuuteqan­ngilaq, qamuuna eq­qis­sisimasuuvoq im­minul­lu ataq­qil­luni. Peqatigisar­tak­kaminut ajun­ngitsumik sun­niuteqarsin­naasar­poq.”

NAJOQQUTASSIAQ BIIBILIMIITTOQ: “[Inuit] pisuun­ngorumasut us­ser­neqarlutil­lu napitin­neqar­tar­put ueq­qivigisarlugil­lu kajungerfigiligar­pas­suatik sianiitsulior­nerusut ajoqutaasul­lu, inun­nut aseruutaasut tam­mar­titsisul­lu. Aningaaserituujunermi ajor­tunut tamanut sorlaavoq.” — 1 Timotheusi 6:9, 10.

Misigisalikkersaarut: André sulif­feqarfim­mik, isuman­naal­lisaanermut ator­tunik ik­kus­suisar­tumik, pigin­nit­tuuvoq. Sul­lit­tagaasalu ilagaat arsaat­tar­tut klubberujus­suat. Ilaan­ni unam­mersuar­toqareersoq André suliarisimasaminut akiligas­siis­sut tun­niuk­kiar­torlugu al­laf­feqarfim­mukar­poq. Aningaasaqar­nermut im­mik­koor­tor­taqarfim­mi bilitsinik tuniniaanermi iser­titanik kisitsil­lutik suli ulap­pup­put. Un­nulereermat aningaaserisup sul­lis­sisorisar­tak­katik, ilaatigut André, akiler­niapal­lap­pai.

André ima oqalut­tuar­poq: “Angerlar­til­lunga paasiler­para aningaaserisup akiler­pal­laarsimagaanga. Nalun­ngilara aningaaserisup kina akiler­neqar­pal­laarsimanersoq paasin­ngisaan­nas­sagaa. Kisian­ni aam­ma nalun­ngilara angutin­nguak­kuluup taas­suma nam­mineq aningaasat amigaataasut  matus­suser­tariaqar­tus­saagai. Uter­niarlunga aalajanger­punga. Isigin­naariar­pas­suit akor­natigut ingerlaniarsuaareerlunga kiisami akiler­neqar­pal­laas­sutigisimasak­ka tun­niup­pak­ka. Aningaaserisoq tupigusun­nermik oqaasis­saarul­luin­nar­poq, taamatum­mi misigisaqan­ngisaan­narsimavoq.”

André ima nangip­poq: “Un­neq­qaris­sumik iliuuseqar­nera aningaaserisup ataq­qin­nilis­sutigaa. Maan­na ukiut arlal­lit ingerlareersut sul­lis­sisuusimasunit al­lanit tamanit uanga kisiar­taal­lunga suli klubbimik sul­lis­sisuuvunga. Qujamasuutigaara ileq­qus­satigut najoq­qutas­siat qutsis­sut Biibilimiit­tut malin­nerisigut tusaamasaal­lualersimagama.”

Qiim­maal­lan­nar­poq nalunagu Guuti ikior­tigalugu ileq­qorlun­naveersaarsin­naasugut. Inuil­li ataasiak­kaat iliuuserisar­tagaat pis­sutigiin­narlugit peq­quserlut­tar­nerit tamak­kiisumik atorun­naarsin­neqarsin­naan­ngil­lat. Tamatumun­nga pis­sutiviusut inuit naam­mal­luin­nan­ngitsut iliuuseqarfigisin­naan­ngilaat. Imaap­pa peq­quserlut­toqar­tuas­sasoq? Al­laaserisami kingul­lermi Biibilimi qiim­maal­lan­nar­tumik akis­sutis­sarsis­saagut.