INUP­PAS­SUIT isumaqar­nerat­tut peq­quserlut­toqar­tuar­nis­saa peq­quserlut­tuerutin­ngisaan­nar­nis­saalu er­num­matigaajuk? Taman­na er­num­matigis­saguk­ku paasinar­poq. Oqalut­tuarisaanerup ingerlanerani inuit naalak­kersueriaatsit tamaasa misilit­tar­nikuuaat. Taamaat­torli peq­quserlut­tuerutsitil­luin­nan­ngisaan­narsimap­put. Siunis­sami inuit tamarmik im­min­nut un­neq­qarif­figeqatigiiler­nis­saat neriuutigineqarsin­naava?

Qujanar­tumik Biibilimi taamatut neriorsuuteqar­poq! Tas­sani al­las­simavoq Guutip ungasin­ngitsuk­kut nunarsuaq peq­quserlut­tuerutitis­sagaa. Qanoq taamaalius­sava? Naalagaaf­fini qilam­miit­toq atorlugu nunarsuarmi pis­sutsit al­lan­ngor­til­luin­nas­savai. Jiisusip ajoqersuk­kani naalagaaf­fik taan­na qinutigisaq­qul­lugu ilin­niar­tip­pai. Ataatar­puumik taaneqar­tar­tumi Jiisusi ima oqar­poq: ‘Naalagaaf­fiit tikiul­li, piumasat nunami pili.’ — Mat­thæusi 6:10.

Naalagaaf­fim­mi tas­sani naalak­kersuisus­saq, Jiisusi Kristusi, pil­lugu Biibilimi ima siulit­tuuteqar­poq: “An­naatis­savai piitsoq ikioq­qul­luni suaar­tar­toq an­nikil­lior­titarlu ikior­tis­saaleqisoq. Nal­lit­tus­savai san­ngiitsut piitsul­lu, piitsul­lu inuunerat an­naatis­savaa. Aniguisis­savai qunutitaanermit nakuuserfigisaanermil­lu.” (Tus­siaat 72:12-14) Maluginiaruk Jiisusip inuit peq­quserlut­tar­neq pis­sutigalugu naal­liuutil­lit misigin­neqatigigai naqisimanninnerlu iliuuseqarfigissavaa! Tup­pal­ler­nangaarami, ilaa?

Naalak­kersuisoq taan­na misigin­neqatigin­nit­toq pis­saaneqaqisorlu siulersuisigalugu Guutip naalagaaf­fiata nunarsuaq peq­quserlut­tuerutitis­savaa. Qanoq? Peq­quserlun­nermut pis­sutiviusut pingasut suujun­naarsil­lugit.

Ul­lumik­kut ajor­tulioq­qajaasar­ner­put pis­sutigalugu nam­minis­sarsioq­qajaasar­pugut. (Romamiut 7:21-23) Inup­pas­suaqar­porli eq­qor­tuliorusut­tunik. Taak­ku Jiisusip aavanik kuisamik uter­tin­neqarsin­naaner­tik ajor­tuliamin­nil­lu isumak­keerfigineqarsin­naaner­tik up­peraat. * (1 Johan­nesi 1:7, 9) Inuit taak­ku Guutip asan­nin­neranut ersiutaasoq an­ner­paaq Johan­nesi 3:16-mi al­las­simasoq iluaqutigis­savaat: “[Guutip] silarsuaq ima asatigaa er­nituani tun­nius­simal­lugu taas­sumun­nga up­per­toq kinaluun­niit tam­maq­qunagu naas­saan­ngitsumil­li inooq­qul­lugu.”

Guutip inuit aalajaatsut tupin­narluin­nar­tumik  iliuuseqarfigis­savai. Silarsuas­sami nutaami ajor­tip kingunerisimasai tamaasa peerluin­nas­savai inuiaal­lu aalajaatsut naam­mal­luin­nar­tun­ngor­tik­kiar­tuaas­sal­lugil­lu naaper­tuil­luar­tutut isigineqalersik­kiar­tuaas­savai. (Esaja 26:9; 2 Petrusi 3:13) Ajor­timit inuit peq­quserlun­nis­samut sun­ner­neqaq­qin­ngisaan­nas­sap­put. Guutip naalagaaf­fiata aqutsinerani inuit aalajaatsut ‘nungujas­susermi inus­siaataanermit aniguisitaajumaar­put’. — Romamiut 8:20-22.

Ajoraluar­tumik ul­lumik­kut inup­pas­suit piaaralutik al­lat ajor­tuliorfigisar­paat. San­ngiitsut piitsul­lu ator­nerlut­tar­paat al­lal­lu peq­quserlun­nis­saan­nut sun­ner­tarlugit. Inuit taamaat­tut Biibilimi ima oqaaq­qis­saar­neqar­put: “Iluaatsup qimal­liuk aq­qutigisani, iluaatsulior­tul­lu soraarul­ligit pilersaarutini.” Peq­quserlut­tut al­lamik isumataarunik Biibilimi neriorsor­neqar­put Guutip ‘isumak­keerfigingaas­sagai’. — Esaja 55:7.

Ajor­tuliorun­naarusun­ngitsut Guutip naggataatigut suujun­naarsit­tariaqalis­savai. Guutip naalagaaf­fia aq­qutigalugu Biibilimi neriorsuut una eq­quutis­saaq: “[Jehova, NW] neriuf­figuuk aq­qutigeq­qusaalu atuarlugu . . . takujumaar­pal­lu iluan­ngitsut piiagaanerat.” (Tus­siaat 37:34) Inuit ajor­tut al­lamik isumataarusun­ngitsut piiagaareer­pata Guutip kif­faasa aalajaatsut peq­quserlun­nerup kingunerisai malugeq­qin­ngisaan­nas­savaat.

Ajor­tulior­tar­tunit tamanit Saatani Diaavulu ajor­tulior­tar­nermini man­nger­tisimaner­paavoq. Qujamasuutigingaar­par­pul­lu Jehovap qanit­tuk­kut Saatani inun­nut sun­niuteqar­tis­sin­naajun­naarlugu kil­lilis­sam­magu naggataatigul­lu suujun­naarsis­sal­lugu. Uumasorujuup taas­suma inuit peq­qusersusaaq­qul­lugit naas­saan­ngitsumut sun­neq­qin­ngisaan­nas­savai.

Im­maqa eq­qarsar­putit peq­quserlun­nermut pis­sutiviusut tamaasa Guutimit piiar­neqar­nis­saat piviusorsiun­ngin­nerusoq. Im­maqa ima eq­qarsar­putit: Ilumut Guutip tamak­kua al­lan­ngor­tis­sin­naavai? Taamaaliorsin­naasimagunilu sooq qangali al­lan­ngor­titsisiman­ngila? Taamatut aperinerit paasinar­poq, apeq­qutil­lu Biibilimi naam­maginar­tumik akineqar­put. * Biibilimi siunis­saq qanit­toq, peq­quserlut­toqarfiun­ngitsoq, pil­lugu misis­sueq­qul­lutit kajumis­saarusup­patsigit.