Icipande ca Baice

Cenjela ku Kufwaya Ukulumbuka!

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti eko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

Abo balelandapo sana: Davidi, Abishalomu, Yoabu

Ifyo cali: Abishalomu alefwaya ukupoka bawishi ubufumu.

1 TONTONKANYA PA CACITIKE.—BELENGA 2 SAMWELE 14:25-33; 15:1-17; 18:9-17, 30-33.

Ukulingana ne fyo uletontonkanya, londolola ifyo Abishalomu alemoneka. (Belenga na kabili 2 Samwele 14:25, 26.)

․․․․․

Bushe uletontonkanya ukuti imibele ya kwa Abishalomu yali shani kabili ishiwi lyakwe lyaleumfwika shani ilyo aleongola imitima ya bantu abaleisa ku mfumu ku kupingulwa? (Belenga na kabili 2 Samwele 15: 2-6.)

․․․․․

Ukulingana na 2 Samwele 14:28-30, bushe uletontonkanya ukuti Abishalomu ali muntu wa musango nshi?

․․․․․

2 FWAILAPO IFYEBO NA FIMBI.

Finshi Abishalomu acitile pa kufwaya ukupoka ubufumu? (Pa kusanga icasuko: Belenga 2 Samwele 13:28, 29. Amnone e wali umwana umwaume umukalamba uwa kwa Davidi kabili e wali no kupyana pa bufumu.)

․․․․․

Nangu ca kuti Abishalomu alefwaisha ukulumbuka no kucindikwa, bushe ifyo ashikiilwe filanga ukuti abantu balemumona shani? (Belenga na kabili 2 Samwele 18:17.)

․․․․․

Bushe uletontonkanya ukuti cinshi calengele Abishalomu ukufwaya ukulumbuka? (Belenga ifyo Baibolo yalandapo pali Diotrefe ifyalembwa pali 3 Yohane 9, 10 no kufilinganya ku fyacitile Abishalomu.)

 ․․․․․

Bushe Davidi aumfwile shani pa fyo Abishalomu acitile? (Pa kusanga icasuko: Belenga Amalumbo 3, ayo Davidi alembele ilyo Abishalomu amupondokele.)

․․․․․

3 FINSHI WASAMBILILA MULI ILI LYASHI? LEMBA IFYO WASAMBILILAKO . . .

Pa bubi bwaba mu kufwaya ukulumbuka.

․․․․․

Ku fyo imibele ya muntu ingakalifya bambi ukubikako fye na bafyashi bakwe.

․․․․․

FINSHI FIMBI IFYO WASAMBILILAKO?

Cinshi cingakulenga limbi na iwe ukulafwaya ukulumbuka?

․․․․․

Kuti wacita shani pa kuti wilaba ne cilumba?

․․․․․

4 FINSHI WATEMWAMO SANA MULI AYA MALYASHI KABILI CINSHI WAFITEMENWA?

․․․․․

Ifyo wingacita: Elenganya ukuti Abishalomu tali ne cilumba lelo ali uwaiceefya, bushe nga cinshi cacitike?—Amapinda 18:12.

Kabiye pa www.pr418.com

Belenga Baibolo pa intaneti

Kopolola nangu pulinta ici cipande