අබ්සලොම් ගැන ඔයාගේ හිතේ ඇඳෙන්නේ මොන වගේ රූපයක්ද? (2 සාමුවෙල් 14:25, 26 කියවන්න.)

නඩු විභාගයට රජු ළඟට යමින් සිටි මිනිස්සුන්ට ඔහු කතා කරන්න ඇත්තේ මොන විදිහටද? (2 සාමුවෙල් 15:2-6 කියවන්න.)

2 සාමුවෙල් 14:28-30 දක්වා ඇති සිද්ධියෙන් අබ්සලොම්ගේ චරිතය ගැන ඔයාට හිතෙන්නේ මොකක්ද?

රජකම ලබාගන්න ඕන නිසා අබ්සලොම් මොනවද කළේ? (2 සාමුවෙල් 13:28, 29 කියවන්න. ඊළඟට රජ වෙන්න හිටියේ දාවිත්ගේ ලොකු පුතා වන අම්නොන්.)

අබ්සලොම් තමා ගැන ලොකුවට හිතාගෙන හිටියා. ඒත් එයා මැරුණ විදිහෙන් මිනිස්සු එයා ගැන හිතාගෙන හිටපු විදිහ ගැන හෙළි වුණේ මොකක්ද? (2 සාමුවෙල් 18:17 කියවන්න.)

ඔයා හිතන විදිහට අබ්සලොම් කැපී පෙනෙන්න පෙලඹුණේ ඇයි? (3 යොහන් 9, 10 සමඟ සසඳන්න.)

අබ්සලොම් හැසුරුණු විදිහ දාවිත්ට බලපෑවේ කොහොමද? (අබ්සලොම්ගෙන් පීඩා පැමිණි කාලයේදී දාවිත් රචනා කළ 3වන ගීතිකාව කියවන්න.)

කැපී පෙනෙන්න උත්සාහ කිරීමේ ඇති භයානකකම.

පුද්ගලයෙක්ගේ නරක හැසිරීම ඔහුගේ පවුලේ අයට සහ අනික් අයට බලපාන විදිහ.

මේ ගැනත් සිතන්න.

කැපී පෙනෙන්න තියෙන ආශාව ඔයාටත් එන්න පුළුවන් කොහොමද?

ඔයා ගැන ඕනෑවට වඩා හිතන්නේ නැතුව ඉන්න පුළුවන් කොහොමද?

යෝජනාවක්: අබ්සලොම් කැපී පෙනෙන්න උත්සාහ කරන්නේ නැතුව නිහතමානී වුණා නම් මේ කතාවට මොන වගේ අවසානයක් ලැබෙයිද?—හිතෝපදේශ 18:12.