ခရစ္စမတ်ရာသီ နီးလာတဲ့အခါ လူတွေဟာ ခရစ္စမတ်တေးသီချင်းတွေ၊ ရုပ်ရှင်တွေ၊ တီဗွီအစီအစဉ်တွေကြောင့် ပျော်ရွှင်မြူးထူးချင်တဲ့စိတ်တွေ ပေါ်ပေါက်လာကြတယ်။ ခရစ္စမတ်ရဲ့အရေးကြီးဆုံး အနှစ်သာရက ဘာဖြစ်မယ်လို့ သင်ထင်သလဲ–

• ယေရှုခရစ်ကို အမှတ်ရဖို့လား။

• ပေးကမ်းခြင်းကနေ ပျော်ရွှင်မှု ခံစားချင်လို့လား။

• ဆင်းရဲသားတွေကို ကူညီပေးဖို့လား။

• မိသားစုနဲ့အတူ ပျော်ရွှင်စွာ ပေါင်းသင်းဖို့လား။

• ငြိမ်သက်မှုရှိအောင် ကြိုးစားဖို့လား။

ဘေးမှာ ဖော်ပြထားတဲ့ ပြည်နယ်အုပ်ချုပ်ရေးမှူးဟောင်း ဟင်နရီရဲ့ စကားအရ ခရစ္စမတ်ပွဲကျင်းပတဲ့သူ တော်တော်များများဟာ ခရစ္စမတ်ရာသီမှာ အထက်ပါအချက်တွေကို လုပ်ဆောင်ဖို့ အခက်တွေ့ခဲ့ကြတယ်။ ခရစ္စမတ်ရာသီရောက်ရင် လူတွေဟာ ဗျာများပြီး စိတ်ဖိစီးလာတတ်ကြတယ်။ အများအားဖြင့် အဲဒီအချိန်မှာ စီးပွားရေးသမားတွေက အခွင့်ကောင်းယူတတ်ကြတယ်။ ဒါကြောင့် ခရစ္စမတ်ရာသီမှာ လူအများ ယူဆတဲ့အတိုင်း ပျော်ရွှင်မှုခံစားရဖို့ဆိုတာ သိပ်မသေချာဘူး။

ယေရှုခရစ်ကို အမှတ်ရဖို့၊ ရက်ရက်ရောရော ပေးကမ်းဖို့၊ ဆင်းရဲသားတွေကို ကူညီပေးဖို့၊ မိသားစုနဲ့အတူ ပျော်ရွှင်စွာ ပေါင်းသင်းဖို့ ကျမ်းစာက တိုက်တွန်းပါတယ်။ ဒါ့အပြင် ငြိမ်သက်မှုရှိအောင် ဘယ်လိုလုပ်ရမလဲဆိုတာကိုလည်း သွန်သင်ပေးတယ်။ ဒါကြောင့် ဒီမျက်နှာဖုံး ဆောင်းပါးတွဲတွေမှာ လူတချို့ ခရစ္စမတ် * မကျင်းပရတဲ့ အကြောင်းရင်းကို မဆွေးနွေးဘဲ အောက်ပါမေးခွန်းတွေကိုပဲ သုံးသပ်သွားပါမယ်–

• ခရစ္စမတ်ပွဲကျင်းပရတဲ့ အကြောင်းရင်းက ဘာဖြစ်သင့်တယ်လို့ လူတချို့ ယူဆကြသလဲ။

• ခရစ္စမတ်ရာသီမှာ လူတွေမျှော်လင့်တဲ့အတိုင်း ဘာကြောင့် ပျော်ရွှင်မှု မခံစားရသလဲ။

• ခရစ္စမတ်ပွဲထက် ပိုကောင်းတဲ့အရာကို တွေ့ရှိဖို့ သန်းနဲ့ချီတဲ့သူတွေကို ဘယ်ကျမ်းစာမူတွေက ကူညီပေးသလဲ။