Án Paipel Kewe Kapas Eis Ra Pélú
Ifa iten Kot?
Meinisin chón ach famili a wor pwisin iter. Pwal mwo nge néúch kewe man a pwal wor iter! Nge met, ese pwúng pwe Kot epwe pwal wor itan? Lón ewe Paipel, a wor chómmóng itelap fán iten Kot, usun choweán Kot mi Unusen Tekia, Samol mi Lapalap, me ewe Chón Fératá, nge i a pwal wor pwisin itan.—Álleani Aisea 42:8. *
Lón chómmóng afféún ewe Paipel a nóm pwisin iten Kot we lón Kölfel 83:18. Áwewe chék, lón ewe New World Translation of the Holy Scriptures, ena wokisin a apasa: “En ewe mi iteni Jiowa, en chék Ewe mi Unusen Tekia wóón unusen fénúfan.”
Pwata a lamot sipwe pani iten Kot we?
Kot a mochen pwe sipwe pani itan we. Sia pani iten chókkewe sia tonger atun sia fós ngeniir, áwewe chék chiechiach kewe. Nge epwe itá sókkóló atun sia fóffós ngeni Kot? Pwal eú, Jesus Kraist a pesei aramas pwe repwe pani iten Kot we.—Álleani Mateus 6:9; Johannes 17:26.
Iwe nge, ren ach sipwe wiliti chiechien Kot, a lamot sipwe alapaaló ach silei usun i nge esap chék itan we. Áwewe chék ren ekkeei kapas eis: I met sókkun Kot? Mei wesewesen tufich ach sipwe arap ngeni Kot? Ka tongeni kúna pélúwen ekkeei kapas eis me lón ewe Paipel.
^ Ewe kapasen lepoputáán lón ewe Paipel are Testamentin lom me Testament Söfö, a apasa pwe “lon ewe Testamentin Lom sia nöünöü . . . ‘Samol mi Lapalap’ fän iten Jiowa ika Yahwe.”
Neman Kopwe Pwal Sani
ESSENTIAL BIBLE TEACHINGS
Mei Wor Iten Kot?
Kot a eáni chómmóng itelapan áwewe chék, Samol, Chón Fératá me Ewe mi Fókkun Manaman. Nge iten Kot a mak arapakkan fán 7,000 lón Paipel.
