Sanebimɔi ni Biblia lɛ Eha Hetoo
Mɛni ji Nyɔŋmɔ gbɛ́i?
Wɔweku mli bii lɛ ateŋ mɔ fɛɛ mɔ yɛ egbɛ́i. Shĩa kooloi tete po yɛ gbɛ́i! Ani ebafeŋ nɔ ni nilee yɔɔ mli akɛ Nyɔŋmɔ yɛ gbɛ́i? Akɛ gbɛnaa gbɛ́i tamɔ Nyɔŋmɔ Ofe, Jeŋ Muu Fɛɛ Nuŋtsɔ, kɛ Bɔlɔ tsɛɔ Nyɔŋmɔ yɛ Biblia lɛ mli, shi Nyɔŋmɔ yɛ lɛ diɛŋtsɛ egbɛ́i.—Kanemɔ Yesaia 42:8.
Biblia shishitsɔɔmɔi babaoo kɛ Nyɔŋmɔ diɛŋtsɛ gbɛ́i lɛ tsu nii yɛ Lala 83:19. Akɛ nɔkwɛmɔnɔ lɛ, Ga Biblia lɛ kɛɔ yɛ nakai kuku lɛ mli akɛ: “Bo, ni okome too ogbɛi ji Yehowa lɛ, bo ji mɔ ni kwɔ fe fɛɛ yɛ shikpɔŋ lɛ nɔ fɛɛ!”
Mɛni hewɔ esa akɛ wɔkɛ Nyɔŋmɔ gbɛ́i lɛ atsɛ lɛ?
Nyɔŋmɔ miisumɔ ni wɔkɛ lɛ diɛŋtsɛ egbɛ́i lɛ atsɛ lɛ. Kɛ́ wɔkɛ wɔsuɔlɔi, tamɔ wɔnanemɛi nɛkɛ miigba sane lɛ, wɔkɛ amɛshĩa gbɛ́i tsɛɔ amɛ—titri lɛ kɛ́ amɛha wɔ hegbɛ akɛ wɔfee nakai. Ani esaaa akɛ wɔfeɔ nakai kɛ́ wɔkɛ Nyɔŋmɔ miiwie? Kɛfata he lɛ, Yesu Kristo wo hewalɛ koni atsɛ Nyɔŋmɔ gbɛ́i lɛ.—Kanemɔ Mateo 6:9; Yohane 17:26.
Kɛlɛ, kɛ́ wɔbaatsɔ Nyɔŋmɔ naanyo lɛ, ehe miihia ni wɔle ehe nii babaoo fe egbɛ́i kɛkɛ ni wɔbaale. Akɛ nɔkwɛmɔnɔ lɛ, mɛɛ mɔ nɛkɛ Nyɔŋmɔ ji? Ani abaanyɛ atsi abɛŋkɛ Nyɔŋmɔ lɛɛlɛŋ? Obaanyɛ oná sanebimɔi nɛɛ ahetoi yɛ Biblia lɛ mli.
Ekolɛ Obaasumɔ Enɛ Hu
ESSENTIAL BIBLE TEACHINGS
Ani Nyɔŋmɔ yɛ Gbɛ́i?
Nyɔŋmɔ yɛ gbɛnaa gbɛ́i pii, ekomɛi ji Ofe, Bɔlɔ, kɛ Nuŋtsɔ. Shi atsĩ Nyɔŋmɔ diɛŋtsɛ gbɛ́i lɛ tã shii 7,000 kɛ sɛɛ yɛ Biblia lɛ mli.
SANEBIMƆI NI BIBLIA LƐ EHÃ HETOO
Gbɛ́ii Enyiɛ Nyɔŋmɔ Yɔɔ?
Mɛi komɛi baasusu akɛ gbɛ́i tamɔ ‘Allah,’ ‘Alfa kɛ Omega,’ kɛ ‘El Shaddai,’ kɛ ‘Yehowa-yire’ fata Nyɔŋmɔ gbɛ́i lɛ he. Ani gbɛ́i ni wɔkɛtsɛɔ Nyɔŋmɔ lɛ he miihia?
SANEBIMƆI NI BIBLIA LƐ EHÃ HETOO
Ani Nyɔŋmɔ Gbɛ́i Ji Yesu?
Yesu ekɛɛɛ kɔkɔɔkɔ akɛ lɛ ji Nyɔŋmɔ Ofe lɛ. Mɛni hewɔ?
