SUNGBAT DAGITI SALUDSOD MAIPAPAN ITI BIBLIA
Ania ti Nagan ti Dios?
Adda nagan ti amin a kapamiliatayo. Uray dagiti tarakentayo, adda naganda! Saan kadi a rumbeng nga adda met nagan ti Dios? Iti Biblia, adu ti titulo a tumukoy iti Dios, kas iti Dios a Mannakabalin-amin, Soberano nga Apo, ken Namarsua, ngem adda met naganna.—Basaem ti Isaias 42:8.
Iti adu a patarus ti Biblia, mabasa ti nagan ti Dios iti Salmo 83:18. Kas pagarigan, ti Baro a Lubong a Patarus ti Nasantuan a Kasuratan, kunaenna: “Sika, nga agnagan Jehova, sika laeng ti Kangatuan iti intero a daga.”
Apay nga usarentayo ti nagan ti Dios?
Kayat ti Dios nga usarentayo ti naganna. No kasaritatayo dagiti ipatpategtayo, kas kadagiti nasinged a gagayyemtayo—awagantayo ida iti naganda. Saan kadi a kasta met laeng no makisaritatayo iti Dios? Kayat met ni Jesu-Kristo nga usarentayo ti nagan ti Dios.—Basaem ti Mateo 6:9; Juan 17:26.
Ngem tapno agbalintayo a gayyem ti Dios, ammuentayo ti ad-adu pay maipapan kenkuana saan laeng a ti naganna. Kas pagarigan, ania a kita a persona ti Dios? Posible kadi ti agbalin a nasinged iti Dios? Maammuam ti sungbat dagita iti Biblia.
Baka Kayatmo Met ti
NAGPAPATEG A PANNURSURO TI BIBLIA
Adda Kadi Nagan ti Dios?
Adu ti titulo ti Dios, kas iti Mannakabalin-amin, Namarsua, ken Apo. Ngem agarup 7,000 a daras a nausar ti personal a nagan ti Dios iti Biblia.
SUNGBAT DAGITI SALUDSOD MAIPAPAN ITI BIBLIA
Adu Kadi ti Nagan ti Dios?
Ipagarup dagiti tattao a nagan ti Dios ti ‘Allah,’ ‘Alfa ken Omega,’ ‘El Shaddai,’ ken ‘Jehova-jireh.’ Apay a napateg nga ammotayo ti umiso a nagan ti Dios?
SUNGBAT DAGITI SALUDSOD MAIPAPAN ITI BIBLIA
Jesus Kadi ti Nagan ti Dios?
Pulos a saan nga imbaga ni Jesus nga isu ti Mannakabalin-amin a Dios Apay?
