Mosũngĩo ma Makũlyo ma Mbivilia
Ngai etawa ata?
Andũ maitũ ma mũsyĩ onthe nĩmethĩawa na masyĩtwa moo ene. O na nyamũ sya mũsyĩ nĩsyĩthĩawa na masyĩtwa! Kwoou o nake Ngai nĩwaĩlĩte kwĩthĩwa na ĩsyĩtwa yake mwene. Nthĩnĩ wa Mbivilia, Ngai e na masyĩtwa maingĩ ma ũnene, ta Ngai Mwene Vinya W’onthe, Mwĩaĩi Mũsumbĩ Mũnene, na Mũmbi, ĩndĩ e ĩsyĩtwa yake mwene.—Soma Isaia 42:8.
Mbivilia mbingĩ niwetete ĩsyĩtwa ya Ngai nthĩnĩ wa Savuli 83:18. Kwa ngelekany’o, The Bible in Kikamba, 1974, yaĩtye ũũ nthĩnĩ wa mũsoa ũsu: ‘No we wĩ weka, syĩtwa yaku nĩ Yeova, nue Wĩ Ĩũlũ wa Onthe ĩũlũ wa nthĩ yonthe.’
Nĩkĩ twaĩle kũtũmĩa ĩsyĩtwa ya Ngai?
Ngai endaa tũtũmĩe ĩsyĩtwa yake mwene. Nĩtũtũmĩaa masyĩtwa ma ala tũmendete, ta anyanyae maitũ, ĩla tũũneena namo. Kwoou nĩtwaĩle kũtũmĩa ĩsyĩtwa ya Ngai ĩla tũũneena nake. O nake Yesũ Klĩsto nĩwoonanisye kana nĩtwaĩlĩte kũtũmĩa ĩsyĩtwa ya Ngai.—Soma Mathayo 6:9; Yoana 17:26.
Ĩndĩ, nĩ kana twĩthĩwe anyanya ma Ngai, nĩtwaĩlĩte kũmanya maũndũ maingangĩ kwĩ kũmanya o ĩsyĩtwa yake. Kwa ngelekany’o, we Ngai ailyĩ ata? W’o nĩ ũndũ ũtonyeka kũmũthengeea Ngai? Nũtonya kũkwata mosũngĩo ma makũlyo asu Mbivilianĩ.
No Wendeewʼe Nĩ Ii
MOMANYĨSYO MA VATA MA MBIVILIA
We Ngai E Ĩsyĩtwa?
Ngai e masyĩtwa maingĩ ma ũnene ta, Mwene Vinya W’onthe, Mũmbi, na Mwĩaĩi. Ĩndĩ ĩsyĩtwa ya Ngai mwene nĩyĩtũmĩĩtwe Mbivilianĩ mavinda mbee wa 7,000.
MOSŨNGĨO MA MAKŨLYO MA MBIVILIA
Ngai E Masyĩtwa Meana?
Andũ nĩmatonya kũsũanĩa kana amwe ma masyĩtwa ma Ngai nĩ ‘Allah,’ ‘El Shaddai,’ ‘Yeova-yile,’ ‘Aliva na Omeka.’ Nĩkĩ nĩ ũndũ wa vata kũmanya ĩsyĩtwa ya Ngai?
MOSŨNGĨO MA MAKŨLYO MA MBIVILIA
Syĩtwa ya Ngai Nĩ Yesũ?
Yesũ ndaasya kana we nĩ Ngai Mwene Vinya Wʼonthe. Nĩkĩ?
