សំណួរនិងចម្លើយពីគម្ពីរ
សំណួរនិងចម្លើយពីគម្ពីរ
តើព្រះមាននាមអ្វី?
សមាជិកទាំងអស់ក្នុងក្រុមគ្រួសាររបស់យើងមានឈ្មោះរៀងៗខ្លួន។ ដូច្នេះ ជាការសមហេតុផលណាស់ដែលព្រះមាននាម មែនទេ? ក្នុងគម្ពីរ ព្រះមានឋានៈជាច្រើនដូចជា ព្រះដ៏មានគ្រប់ព្រះចេស្ដា ព្រះអម្ចាស់ និងអ្នកបង្កើតជាដើម។ ទោះជាលោកមានឋានៈច្រើនក៏ដោយ តែលោកក៏មាននាមរបស់លោកដែរ។—សូមអាន អេសាយ ៤២:៨
អ្នកបកប្រែគម្ពីរជាច្រើននាក់បានប្រើនាមរបស់ព្រះដូចចែងក្នុងទំនុកតម្កើង ៨៣:១៨។ ជាឧទាហរណ៍ ក្នុងគម្ពីរដែលបោះពុម្ពដោយសមាគមខ្មែរនៃព្រះគម្ពីរបរិសុទ្ធ ខនោះរៀបរាប់ថា៖ «ទ្រង់តែ១អង្គ ព្រះនាមជាយេហូវ៉ា ដែលជាព្រះដ៏ខ្ពស់បំផុតលើផែនដីទាំងមូល»។
ហេតុអ្វីយើងគួរប្រើ នាមរបស់ព្រះ?
ព្រះចង់ឲ្យយើងប្រើនាមរបស់លោក។ ពេលយើងនិយាយជាមួយអ្នកដែលយើងស្រឡាញ់ ដូចជាមិត្តជិតស្និទ្ធជាដើម យើងប្រើឈ្មោះរបស់ពួកគេ។ ដូចគ្នាដែរ ពេលយើងនិយាយជាមួយព្រះ យើងក៏គួរប្រើនាមរបស់លោកដែរ មែនទេ? បន្ថែមទៅទៀត លោកយេស៊ូគ្រិស្តបានលើកទឹកចិត្តយើងឲ្យប្រើនាមរបស់ព្រះ។—សូមអាន ម៉ាថាយ ៦:៩; យ៉ូហាន ១៧:២៦
ទោះជាយ៉ាងណាក៏ដោយ ដើម្បីធ្វើជាមិត្តសម្លាញ់របស់ព្រះ យើងត្រូវស្គាល់លោកឲ្យបានច្បាស់ជាង មិនគ្រាន់តែស្គាល់នាមរបស់លោកប៉ុណ្ណោះទេ។ ជាឧទាហរណ៍ តើលោកជាព្រះបែបណា? តើយើងពិតជាអាចចូលទៅជិតព្រះបានទេ? លោកអ្នកអាចរកចម្លើយចំពោះសំណួរទាំងនោះក្នុងគម្ពីរ។
សម្រាប់ព័ត៌មានបន្ថែម សូមមើលជំពូកទី១ក្នុងសៀវភៅតើព្រះគម្ពីរពិតជាបង្រៀនយ៉ាងណា? ដែលបោះពុម្ពផ្សាយដោយសាក្សីព្រះយេហូវ៉ា
[រូបភាពនៅទំព័រ១៦]
ពេលយើងនិយាយជាមួយអ្នកដែលយើងស្រឡាញ់ ដូចជាមិត្តជិតស្និទ្ធជាដើម យើងប្រើឈ្មោះរបស់ពួកគេ
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
តើព្រះមាននាមឬទេ?
ព្រះមានឋានៈជាច្រើនដូចជា ព្រះដ៏មានគ្រប់ព្រះចេស្តា ព្រះដែលជាអ្នកបង្កើត និងព្រះអម្ចាស់ជាដើម។ វីដេអូនេះបង្ហាញអំពីនាមរបស់ព្រះផ្ទាល់ដែលបានត្រូវប្រើជាង៧.០០០ដងក្នុងគម្ពីរបរិសុទ្ធ។
សំណួរនិងចម្លើយពីគម្ពីរ
តើព្រះមានឈ្មោះប៉ុន្មាន?
មនុស្សប្រហែលគិតថាព្រះមាននាមដូចជា‹អាឡា› ‹អែលសាដាយ› ‹យេហូវ៉ា-យីរេ› ‹អាលផានិងអូមេហ្គា›ជាដើម។ ហេតុអ្វីជាការសំខាន់ដែលយើងប្រើឈ្មោះពិតរបស់ព្រះ?
