Mvutu za Yuvu ya Nkand’a Nzambi
Nkumbu a Nzambi nani?
Esi nzo eto awonso nkumbu bena zau. Kana nkutu bulu ina ye nkumbu. Nga diampasi mu kwikila vo Nzambi mpe una ye nkumbu? Nkand’a Nzambi uyikanga mazina mayingi ma Nzambi nze Nzambi wa Mpungu-ngolo, Mfumu a nza yawonso ye Mvangi, kansi ovwidi nkumbu a yandi kibeni.—Tanga Yesaya 42:8.
Muna nsekola zayingi za Nkand’a Nzambi e nkumbu a Nzambi yasonama muna Nkunga 83:18. Muna bonga e nona, muna Nkand’a Nzambi tutanganga vo: “Nge kaka wina ye nkumbu a Yave u Mpungu omu nza yawonso.”
Ekuma tufwete sadila nkumbu a Nzambi?
Nzambi ozolele vo twasadila nkumbu andi. Vava tumokenanga ye azolw’eto musungula awana bena vo akundi eto, tusadilanga nkumbu zau. Nga ke diau ko tufwete vanga vava tumokenanga yo Nzambi? Vana ntandu, Yesu Kristu watukasakesa twasadilanga nkumbu a Nzambi.—Tanga Matai 6:9; Yoane 17:26.
Kansi, muna kituka se nkundi a Nzambi divavanga vo twazaya mayingi mu kuma kiandi, ke nkumbu andi kaka ko. Muna bonga e nona, o Nzambi aweyi kena? Nga tulenda finama Nzambi? Olenda solola mvutu za yuvu yayi muna Nkand’a Nzambi.
Nanga Oyangalela Mpe Malongi Mama
ESSENTIAL BIBLE TEACHINGS
Nga Nzambi Una ye Nkumbu?
Nzambi mu mvovo miayingi kebokelelwanga, nze Mpungu-ngolo, Mvangi ye Mfumu. Kansi, nkumbu a Nzambi yasonama vioka fulu 7.000 muna Bibila.
MVUTU ZA YUVU YA BIBILA
Nzambi Nkumbu Kwa Kena Zau?
Wantu balenda yindula vo ‘Alá,’ ‘Alfa ye Omega,’ ‘El Shaddai,’ ye ‘Yave-Yire’ i nkumbu za Nzambi.’ Nga mfunu dina mu yikila Nzambi muna nkumbu andi?
MVUTU ZA YUVU YA BIBILA
Nga Yesu i Nkumbu a Nzambi?
Yesu kasidi dio vova ko vo yandi i Nzambi a Mpungu-ngolo. Ekuma kalembi dio vovela?
