Tau Hūhū Tohi Tapu kua Tali
Ko hai e higoa he Atua?
Igatia e tau tagata oti he magafaoa ha tautolu mo e fai higoa. Fai higoa foki e tau manu fao! Nakai kia tonu mogoia ke fai higoa e Atua? He Tohi Tapu, ne loga e tau matahigoa he Atua, tuga e Atua Malolō Lahi, Iki Pule Katoatoa, mo e Tufuga, ka e fai higoa foki a ia.—Totou Isaia 42:8.
Loga e fakaliliuaga he Tohi Tapu ia Salamo 83:18 ne ha ha i ai e higoa he Atua. Ma e fakatai, pehē e Tohi Tapu Niue: “Ko e hāu a higoa ko Iehova, hoko koe ni kua Mua ue atu ke he lalolagi oti.”
Ko e ha kua lata ia tautolu ke fakaaoga e higoa he Atua?
Kua manako e Atua ki a tautolu ke fakaaoga e higoa haana. Fakaaoga e tautolu e tau higoa ka tutala mo lautolu kua ofania e tautolu, tuga e tau kapitiga tata—mua atu ka uiina e lautolu ke taute pihia e tautolu. Fai kehe kia ka tutala a tautolu mo e Atua? Mua atu, kua fakamalolō e Iesu Keriso ke fakaaoga e higoa he Atua.—Totou Mataio 6:9; Ioane 17:26.
Ka ke eke mo kapitiga he Atua, kua lata ia tautolu ke iloa lahi a ia, nakai ni ko e higoa haana. Tuga anei, fēfē e aga he Atua? Kua maeke mooli kia ke fakatata atu ke he Atua? Maeke a koe ke moua e tau tali ke he tau hūhū ia he Tohi Tapu.
Liga Manako Foki a Koe
TAU FAKAAKOAGA AOGA HE TOHI TAPU
Fai Higoa Nakai e Atua?
Ko e Atua ne loga e tau matahigoa, tuga ko e Atua Mana, Tufuga, mo e Iki. Ka ko e higoa he Atua ne fakaaoga he molea e 7,000 i loto he Tohi Tapu.
TAU HŪHŪ TOHI TAPU KUA TALI
Fiha e Higoa he Atua?
Loga e tagata ne manamanatu ko e tau higoa he Atua tuga ‘Allah,’ ‘Alefa mo e Omeka,’ ‘El Shaddai.’ Kua lata kia a tautolu ke fakaaoga e higoa he Atua?
