Omapulo Ombimbiliya Akumbululwa
Huku utiwa olie?
Ovanthu aveho mombunga yetu vena omanyina. Alo umwe ovinyama tuatekula vina omanyina! Okuti katyaviukile Huku nae akale nenyina? Mombimbiliya Huku una omanyina enkhimano, ngetyi o Huku Wepondolo aliho, Ohamba Tatekulu, Omupakeko, mahi tupu una enyina liae muene.—Tanga Isaías 42:8.
Mono Mbimbiliya ononyingi enyina lia Huku livasiwa mo salmos 83:18. Mongeleka, o Tradução do Novo Mundo das Escrituras Sagradas mo versikulu oyo, yati: “Ove, utiwa o Jeova, ove vala Omukulami kombanda yohi aiho.”—Salmo 83:18.
Oityi Tuesukisila Okutumbula Enyina lia Huku?
Huku uhanda tutumbule enyina liae. Tyina tutomphola novanthu tuhole, tutumbula omanyina avo, ngetyi omapanga etu, haunene inkha vetuitatyo. Okuti otyo tyelikalela tyina tutomphola na Huku? Tupu, Jesus Kristu wapopilile ovalongwa vae opo vatumbule enyina lia Huku.—Tanga Mateus 6:9; João 17:26.
Moluotyo, opo tukale omapanga a Huku tuesukisa okunoñgonoka vali konthele yae tyipona vala enyina liae. Mongeleka, Huku ukahi ñgeni? Okuti tyitavela umwe okulinga oupanga na Huku? Omakumbululo omapulo oo moevasi Mombimbiliya.
Hamwe Noove Uhanda
ESSENTIAL BIBLE TEACHINGS
Huku Una Enyina?
Huku una omanyina omanyingi enkhimano, ngetyi Omukulami, Omutungi, Tatekulu. Mahi enyina lya Huku ankho livasiwa mo Mbimbiliya ovikando vilamba po 7000.
OMAPULO OMBIMBILIYA AKUMBULULWA
Huku Una Omanyina Eñgapi?
Vamwe vati enyina lya Huku o ‘Allah,’ ava ovakuavo vasoka okuti utiwa o ‘El Shaddai.’ Nkhele vamwe vati utiwa o ‘Siovaa-Silee,’ ovakuavo vati utiwa o ‘Alfa na Omega.’ Okuti tutei vala enyina tutumbula Huku, tyitupu etyi tyilinga?
