Deebii Gaaffii Macaafa Qulqulluu
Maqaan Waaqayyoo eenyudha?
Miseensonni maatii keenyaa hundi maqaa dhuunfaa qabu. Sareef adurreenillee maqaa ittiin waamaman qabu. Maarree Waaqayyo maqaa qabaachuunsaa sirrii mitii? Macaafa Qulqulluu keessatti Waaqayyo maqaa ulfinaa hedduu kanneen akka Waaqayyo Hundumaa Dandaʼu, Waaqayyo Gooftaafi Uumaa jedhamaniin kan waamame taʼus, maqaa dhuunfaa qaba.—Isaayaas 42:8 dubbisi, NW.
Hiikawwan Macaafa Qulqulluu hedduun Faarfannaa 83:18rratti maqaa Waaqayyoo qabu. Fakkeenyaaf, caqasni kun Caaffata Qulqullaaʼoo Hiika Addunyaa Haaraarratti, “Ati, maqaankee Yihowaa kan taʼe, lafarratti Hundumaa Gararraa kan jiru si qofa” jedha.
Maqaa Waaqayyootti fayyadamuu kan qabnu maaliifi?
Waaqayyo maqaasaa kanaan akka isa waamnu barbaada. Hiriyoota baayʼee walitti dhihaannu dabalatee, namoota jaallannuu wajjin yommuu haasofnu, maqaasaaniitiin akka isaan waamnu yoo nutti himan maqaasaaniitiin isaan waamna. Maarree Waaqayyotti yommuu dubbannu akkas gochuu hin qabnuu? Kana malees, Yesus Kiristos maqaa Waaqayyootti akka fayyadamnu nu barsiiseera.—Maatewos 6:9; Yohannis 17:26 dubbisi.
Michuu Waaqayyoo taʼuuf garuu maqaasaa beekuu qofti gaʼaa miti. Fakkeenyaaf, Waaqayyo amala akkamii qaba? Waaqayyotti dhihaachuun ni dandaʼamaa? Deebii gaaffii kanaa Macaafa Qulqulluu keessaa argachuu dandeessa.
Kanneen Armaan Gadiis ni Jaallatta Taʼa
ESSENTIAL BIBLE TEACHINGS
Waaqayyo Maqaa Qabaa?
Waaqayyo, Abbaa, Uumaa, Gooftaa kan jedhan dabalatee maqaawwan ulfinaa baayʼee qaba. Maqaa Waaqayyoo garuu Macaafa Qulqulluu keessatti siʼa 7,000 ol hojii irra ooleera.
DEEBII GAAFFII KITAABA QULQULLUU
Waaqayyo Maqaa Meeqa Qaba?
Namoonni maqaan Waaqayyoo, Allaah, Eelshaadaayi, Yihowaa Yiriʼee, Alfaa fi Omeegaa akka taʼe yaadu taʼa. Maqaa kamiin iyyuu yoo isa waamne jijjiirama fidaa?
