Бинонтӕй алкӕмӕндӕр вӕййы ном. Уӕдӕ уӕд Хуыцауӕн ном хъуамӕ ма уа? Кӕд Библи Хуыцауы алыхуызон титултӕй хоны, зӕгъӕм, Ӕппӕтхъомысджын, Дунедарӕг Хуыцау ӕмӕ Сфӕлдисӕг, уӕддӕр ын ном ис. (Бакӕс Исай 42:8.)

Библийы тӕлмацтӕй бирӕты Хуыцауы ном фыст ис Псаломы 83:18 стихы. Зӕгъӕм, «Библи – Ног дунейы тӕлмац»-ы ацы стих у афтӕ: «Ды, йӕ ном Йегъовӕ кӕмӕн у, ӕрмӕстдӕр ды... дӕ Иунӕг Стыр Хуыцау, Хицау ӕгас зӕххӕн».

Хуыцауы фӕнды, цӕмӕй йӕм йӕ номӕй кувӕм. Кӕй уарзӕм, уыцы адӕймагимӕ, зӕгъӕм, не ’мбалимӕ куы фӕныхас кӕнӕм, уӕд ӕм фӕдзурӕм йӕ номӕй. Цымӕ уӕд Хуыцауимӕ куы фӕныхас кӕнӕм, ома йӕм куы фӕкувӕм, уӕд ӕм хъуамӕ йӕ номӕй ма дзурӕм? Стӕй Чырысти дӕр йӕ фӕдылдзӕуджыты ахуыр кодта, цӕмӕй Хуыцаумӕ йӕ номӕй куывтаиккой. (Бакӕс Матфейы 6:9; Иоанны 17:26.)

Фӕлӕ цӕмӕй Хуыцауӕн йе ’мбӕлттӕ суӕм, уый тыххӕй йын ӕрмӕст йӕ ном зонын фаг нӕу, хъуамӕ йын йӕхи дӕр хуыздӕр базонӕм. Зӕгъӕм, цавӕр Хуыцау у? Уый гӕнӕн ис, ӕмӕ Хуыцаумӕ баввахс уӕм? Ацы фарстатӕн дӕ бон дзуапп базонын у Библийӕ.