Bibliapita tapukïkuna
¿Imataq Diospa jutin?
Llapan familiantsikkunapam jutinkuna kan. ¡Hasta animalkunapapis wakimpaqa jutinkuna kanmi! Tsëqa, ¿imanir-raq Diosqa jutinnaq kanman? Bibliaqa tukïnöpam Diosta qayan, höraqa “Llapanta Puëdeq”, “Ciëlochö y Patsachö Autoridadyoq” y “Kamakoq” ninmi. Pero Diospa jutinqa kanmi. (Lei Isaías 42:8.)
Mëtsika Bibliakunachömi Diospa jutinqa Salmo 83:18 textochö yurin. Tantearinantsikpaq, Traducción del Nuevo Mundo de las Santas Escrituras nishqan Bibliachömi, tsë versïculochö kënö nin: “Jutikiqa Jehovämi, entero patsa janampaqa qamllam këkanki”.
¿Imanirtaq Diosta jutimpa qayashwan?
Diosqa jutimpa qayanatam munan. Kuyanqantsik amïgokunata parlapëta munarqa, jutimpam qayantsik. Tsëqa, ¿manatsuraq Diosnintsiktapis jutimpa qayashwan? Jesucristupis Diosta jutimpa qayanantsikpaqmi nimarqantsik. (Lei Mateo 6:9; Juan 17:26, NM.)
Tsënö kaptimpis, Dioswan amigo kanantsikpaqqa manam jutinllatatsu musyanantsik. Këkunatapis tapukushun: ¿Imanötaq Dios? ¿Puëdishwantsuraq pëman witita? Kë tapukïkunapa respuestantaqa Bibliachömi tarinki..
Capaz këkunapis gustashunki
ENSEÑANZAS IMPORTANTES DE LA BIBLIA
¿Diospa jutin kanku?
Diostaqa tukïläyapam qayayan, Llapanta Puëdeq, Kamakoq y Señor. Kë vidëuqa yachatsikun Bibliachö cäsi 7.000 kutinö Diospa jutin yurinqampitam.
¿IMA NINTAQ BIBLIACHÖ?
¿Atska jutiyoqku Diosqa?
Mëtsika nunakunam niyan Teyta Diosqa atska jutiyoq kanqanta. Këkuna jutin kanqantam niyan: Alä, Señor, Llapampaq Poderyoq, Jehovä-Yirë, Alfa y Omëga y juknöpapis. Tsëqa, ¿Teyta Diospa jutinta musyanantsikku?
