Tinhlamulo Ta Swivutiso Swa Bibele
Vito ra Xikwembu i mani?
Swirho hinkwaswo swa ndyangu wa hina swi ni mavito. Hambi ku ri swifuwo swi ni mavito! Xana a swi twali ku va Xikwembu na xona xi va ni vito? EBibeleni, Xikwembu xi ni swithopo swo tala, swo tanihi Xikwembu xa Matimba Hinkwawo, Hosi Leyi Lawulaka ni Muvumbi, kambe xi ni vito ra xona.—Hlaya Esaya 42:8.
Vuhundzuluxeri byo tala bya Bibele byi ni vito ra Xikwembu eka Pisalema 83:18. Hi xikombiso, eka Vuhundzuluxeri Bya Misava Leyintshwa Bya Matsalwa Yo Kwetsima, ndzimana yoleyo yi ri: “Wena loyi vito ra wena u nga Yehovha, wena u ri wexe u La nge Henhla-henhla emisaveni hinkwayo.”
Ha yini hi fanele hi tirhisa vito ra Xikwembu?
Xikwembu xi lava leswaku hi tirhisa vito ra xona. Loko hi vulavula ni vanhu lava hi va rhandzaka, vo tanihi vanghana va hina lavakulu, hi va vitana hi mavito—ngopfu-ngopfu loko va hi byele leswaku hi endla tano. Xana hi fanele hi endla leswi hambaneke loko hi vulavula na Xikwembu? Ku tlula kwalaho, Yesu Kreste u hi khutaze ku tirhisa vito ra Xikwembu.—Hlaya Matewu 6:9; Yohane 17:26.
Hambiswiritano, leswaku hi va vanghana va Xikwembu, hi fanele hi tiva leswi engetelekeke ha xona, ku nga ri vito ra xona ntsena. Hi xikombiso, xana Xikwembu xi njhani? Xana hakunene swa koteka ku tshinela eka xona? U nga kuma tinhlamulo ta swivutiso leswi eBibeleni.
U Nga Ha Tsakela
ESSENTIAL BIBLE TEACHINGS
Xana Xikwembu Xi Ni Vito?
Xikwembu xi ni swithopo swo tala, swo tanihi lexi nge Lowa Matimba Hinkwawo, Muvumbi ni lexi nge Hosi. Kambe vito ra xona ri tirhisiwa minkarhi ya kwalomu ka 7 000 eBibeleni.
SWIVUTISO LESWI HLAMURIWAKA HI BIBELE
Xikwembu Xi Na Mavito Mangani?
Vanhu va ehleketa leswaku mavito ya Xikwembu i ‘El Shaddai,’ ‘Yehovha-Yire’ ku ya fikela eka ‘Alfa na Omega.’ Xana swi ni mhaka leswaku hi xi vitana hi vito rihi?
SWIVUTISO LESWI HLAMURIWAKA HI BIBELE
Xana Yesu I Vito Ra Xikwembu?
Yesu a nga vulanga nikatsongo leswaku yena i Xikwembu xa Matimba Hinkwawo. Ha yini?
