Agu Asanahe Ziazia Kekepai Akaragapai Kutini
Rimo Mbori nga da?
Gaani aborokporo dunduko na kina arimoyo ti ni. Zavura kina gu zogozogo anya du kporo, ami na kina rimora ti ni a! Ya mo si arunga Mbori du na rimoko a ti ni te? Rogo Ziazia Kekeapai yo, Mbori na dungu afugo i yamba ko nani, wagu afugo nga Mbori Duna Tanduapai Dũ, Bakerepa Bakindo, na Bakusiahe, ono ko na kina ndikidi rimoko ti ni.
Mbori naida aboro dunduko ini rimoko. Atambuahe 83:18. nayaa: ‘I ki ini he ya kina ro sa, du rimoro nga Yekova, nga gu Ko nga Bahe ki susi auru kpotosende dunduko.’
Tipagine si aida ani mangisunge ti ni na rimo Mbori?
Mbori naida ani mangisunge na rimoko. Ani namangasunge na ndikidi rimo boro gbe ho ani afura ni na agu aboro ani akpinyemu yo, mbembedi abakurearani, ka si du nga i naida ani mangihe wo. Ya mo si aidanga si du kinawo tipa Mbori te? Kurigure, Yesu Kristo angarasi rani nga animangisunge narimo Mbori.—Oni gedi Matayo 6:9; Yoane 17:26.
Ono tie, ka ani aida kadu nibakurea Mbori, si naida ani ini dungu apai tipa ko angianga kina rimoko gbua ya. Nikpiapai, gini ngbatunga boro du nga Mbori? Ya mo ani rengbe ka mbeda na ko? Oni rengbe arengba ka gbia akaragapai kuti agi asanahe re rogo Ziazia Kekeapai yo.
Gere Ima Rengba a ka Ngba Tiro
ESSENTIAL BIBLE TEACHINGS
Ya mo Mbori na Rimoko Ti Ni?
Dungu arimo du ti Mbori nibipa agu apai ko amangaha, kodihe na gu nga Mbori Tanduapai Dũ, Bakusiahe, na Gbia. Gi vidio re nafura tipa gu rimo Mbori i namangisunge na naima susa wa bara 7,000 rogo Baibiri yo.
AGU ASANAHE BAIBIRI AKARAGAPAI KUTI NI
Bange Arimo Wai du Kurii Mbori?
Aboro ima rengbe ka bera gupai nga dungu arimo Mbori du ti ni du agu akuraha nga ‘Yekovayire’ na ‘Arufa na Omega.’ Ya mo gu rimo ani ayamba Mbori na ni si na nyanyakipaha?
AGU ASANAHE BAIBIRI AKARAGAPAI KUTI NI
Ya mo Rimo Mbori Nga Yesu?
Yesu aayugongo tiko nga ko nga gu Mbori Duna Tanduapai Dũ te. Tipagine adunga ha ti ni wo ya?
