Guutip sumik piumaf­figaatigut? Inatsiser­pas­suaqar­pa maleruagas­satsin­nik? Naamik, qujanar­tumik taamaan­ngilaq. Guutip er­nera, Jiisusi Kristusi, naaper­torlugu Guutip uagutsin­nut piumasaqaatai tamarmik oqaatsimik ataasiin­narmik oqaatigineqarsin­naap­put. — Markusi 12:28-31 atuak­kit.

Qanoq pisoqar­nerani Jiisusi taama oqar­pa? Nisanip aq­qar­nan­ni, ul­lualuit qaangiup­pata toqusus­saal­luni, naalaf­fim­mi ilin­niar­titsivoq. Akeraasa oqal­lis­sutaasin­naasunik aperisar­paat oqaatsitigut napitin­niarlugu. Akil­luar­tar­nermigul­li oqaasis­saarutitit­tar­pai. Taava Jiisusi ima aperineqar­poq: “Inas­sutit tamarmik suna siul­lersaraat?” — Versi 28.

Apeq­qut taman­na akiuminaat­tuusoraat. Juutit ilaasa oqal­lis­sutigaat Mosesip inatsisaasa 600-init amerlanerusut arlaat sorleq siul­lersaanersoq, imaluun­niit pingaar­ner­paanersoq. Juutit al­lat isumaqan­nguatsiar­put inatsisit tamarmik pingaaruteqar­tuum­mata inatsisit ilaat pingaaruteqar­neruneras­sal­lugu kuk­kunerusoq. Apeq­qut Jiisusip qanoq akis­savaa?

Akis­sutimini Jiisusip inas­sut ataasiin­naq pin­nagu inas­sutit marluk eq­qaavai. Inas­sut siul­leq una eq­qaavaa: “[Naalagaq] Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit nukitil­lu tamak­kerlugit.” (Versi 30; 5 Mosesi 6:5) Oqaatsit ‘isuma’, ‘nukik’, ‘tar­neq’ ‘uum­mal­lu’ as­sersuutitut ator­neqar­neri ersaris­sumik im­mik­kooruteqan­ngil­lat. * Kinaas­suser­put tamaat, pigin­naanivut, nukivut pigisavul­lu tamaasa atorlugit Guutimik asan­nit­tariaqar­pugut. Biibilimik qinerlerfis­siami imatut nas­suiar­neqar­poq: “Guuti asaneqarluin­nar­tariaqar­poq.” Taamaat­tumik Guuti asal­luin­naruk­ku ul­lut tamaasa Guutip iluarisaatut sapin­ngisan­nik iliuuseqar­niarsaris­saatit. — 1 Johan­nesi 5:3.

Taava Jiisusip inas­sutip aap­paa ima eq­qaavaa: “Tul­lit ilit­tut asas­savat.” (Versi 31; 3 Mosesi 19:18) Guutimik asan­nin­neq tul­lermil­lu asan­nin­neq im­min­nut at­tuumas­suteqarluin­nar­put, Guutimim­mi asan­nik­kat­ta inoqater­put asavar­put. (1 Johan­nesi 4:20, 21) Inoqater­put uagutsitut asagutsigu iliorfigineqarusun­nitsitut iliorfigis­savar­put. (Mat­thæusi 7:12) Taamaalior­nitsigut ersersip­par­put Guuti tamatsin­nik im­minik as­silil­luni Pin­ngor­titsisoq asal­lutigu. — 1 Mosesi 1:26.

Guutimik tul­lermil­lu asan­nin­nis­samik inas­sutit qanoq pingaaruteqar­tigaat? Jiisusi oqar­poq ‘inas­sum­mik al­lamik taak­kunan­nga an­nerusoqan­ngitsoq’. (Versi 31) Iivangkiiliu Mat­thæusip al­lagaa naaper­torlugu Jiisusi oqar­poq inatsisit al­lat tamarmik inas­sutit taak­ku marluk tun­ngavigigaat. — Mat­thæusi 22:40.

Guutimik nuan­naar­titsinis­saq saper­nan­ngilaq. Uagutsin­nut piumasaqaatai tamarmik oqaatsimik ataasiin­narmik ima oqaatigineqarsin­naap­put: Asan­nin­neq. Asan­nin­neq Guutip kif­faanut pingaar­ner­paajuaan­nar­nikuul­lunilu pingaar­ner­paajuaan­nas­saaq. Asan­nin­nerli oqaatsik­kuin­naq misigis­sutsik­kuin­narluun­niit erser­neq ajor­poq; aam­ma iliuutsik­kut erser­tar­poq. (1 Johan­nesi 3:18) Jehovamik, Guutimik asan­nit­tuusumik, qanoq asan­nin­nerujar­tuin­narsin­naasutit asan­nin­neril­lu qanoq ersersis­sin­naal­lugu ilin­niar­nis­samut kajumis­saar­patsigit! — 1 Johan­nesi 4:8.