Biblían er orð Guðs. Hún er eins og bréf frá kærleiksríkum föður. (2. Tímóteusarbréf 3:16) Í Biblíunni opinberar Guð hvernig við getum glatt hann, af hverju hann umber illskuna og hvað hann ætli að gera fyrir mannkynið í framtíðinni. En kennimenn hafa afskræmt kenningar Biblíunnar og það hefur orðið til þess að margir efast um að þeir muni nokkurn tíma öðlast skilning á því sem stendur í henni. – Postulasagan 20:29, 30.

Jehóva Guð vill að við lærum sannleikann um sig. Þess vegna hefur hann gefið okkur bók sem hægt er að skilja. – Lestu 1. Tímóteusarbréf 2:3, 4.

Jehóva gaf okkur ekki aðeins Biblíuna heldur hjálpar hann okkur að skilja það sem stendur í henni. Hann sendi Jesús til að kenna okkur. (Lúkas 4:16-21) Jesús hjálpaði hlustendum sínum að skilja Ritningarnar og tók fyrir hvert versið á fætur öðru. – Lestu Lúkas 24:27, 32, 45.

Jesús stofnaði kristna söfnuðinn með það fyrir augum að hann sinnti áfram því verki sem Jesús hafði sjálfur byrjað á. (Matteus 28:19, 20) Nú á tímum hjálpa sannir fylgjendur Jesú fólki að skilja hvað Biblían kennir um Guð. Ef þig langar til að skilja boðskap Biblíunnar myndu vottar Jehóva gjarnan vilja aðstoða þig. – Lestu Postulasöguna 8:30, 31.