Ibhuidisu ia Bibidia io Tambuijile
O kuila tu tena ku tendela o Bibidia?
O Bibidia, Mak’â Nzambi. A difu ni mukanda u tumikisa tata ia henda ku tuana tuê. (2 Timote 3:16) Bhu kaxi ka Bibidia, Nzambi u tu tangela kiebhi ki tu tena ku bhanga o vondadi iê, mukonda diahi muéne uehela o hadi, ni ihi ia-nda bhanga ku hádia phala athu oso. Maji o jimesene ja jingeleja, ene mu lungulula o kidi kia Bibidia; mukonda dia kiki, athu avulu a fika kuila ka-nda tena ku tendela o Bibidia.—Ikalakalu 20:29, 30.
Jihova Nzambi ua mesena kuila, tu tendela o kidi kia lungu ni muéne ki tu sanga mu Bibidia. Mu kiki, muéne ua tu bhana divulu di tu tena o ku di tendela.—Tanga 1 Timote 2:3, 4.
Kiebhi ki u tena ku tendela o Bibidia?
Jihova ka tu bhana ngó o Bibidia, maji u tu kuatekesa ué o ku i tendela. Muéne ua tumikisa Mon’ê Jezú phala ku tu longa. (Luka 4:16-21) Jezú ua kuatekesa o athu ku tendela o Mikanda Ikola mu ku i jimbulula.—Tanga Luka 24:27, 32, 45.
Jezú ua bhange o Kilunga phala ku suluka ni kikalakalu kia matekene muéne. (Matesu 28:19, 20) Lelu o akaiedi a kidi a Jezú, a kuatekesa o athu ku tendela ihi i longa o Bibidia ia lungu ni Nzambi. Se ua mesena ku tendela o Bibidia, o Jimbangi ja Jihova a tena ku ku kuatekesa.—Tanga Ikalakalu 8:30, 31.