DIKARABO TSA DIPOTSO TSA BAEBELE
A go a kgonega go tlhaloganya Baebele?
Baebele ke Lefoko la Modimo. E ntse jaaka lekwalo le le tswang kwa go rre yo o lorato. (2 Timotheo 3:16) Mo Baebeleng, Modimo o tlhalosa gore re ka mo itumedisa jang, gore ke ka ntlha yang fa a letlelela bosula le gore o tla direla batho eng mo isagweng. Mme baruti ba bodumedi ba sokamisitse dithuto tsa Baebele; ka ntlha ya seo, batho ba le bantsi ba akanya gore le ka motlha ba ka se tlhaloganye Baebele.—Ditiro 20:29, 30.
Jehofa Modimo o batla gore re itse boammaaruri ka ene. Ka ntlha ya seo, o re neile buka e re ka kgonang go e tlhaloganya.—Bala 1 Timotheo 2:3, 4.
O ka tlhaloganya jang Baebele?
Mo godimo ga go re naya Baebele, Jehofa o re diretse tsela e e ka re thusang go e tlhaloganya. O rometse Jesu gore a re rute. (Luke 4:16-21) Jesu o ne a thusa bareetsi ba gagwe gore ba tlhaloganye Dikwalo, a tlhalosa temana nngwe le nngwe.—Bala Luke 24:27, 32, 45.
Jesu o ne a tlhoma phuthego ya Bokeresete gore tiro e a e simolotseng e tswelele pele. (Mathaio 28:19, 20) Gompieno, balatedi ba ga Jesu ba mmatota ba thusa batho go tlhaloganya se Baebele e se rutang ka Modimo. Fa o batla go tlhaloganya Baebele, Basupi ba ga Jehofa ba ka itumelela go go thusa.—Bala Ditiro 8:30, 31.
Tse Dingwe Tse O ka Di Kgatlhegelang
TORA YA TEBELO
Go Thusiwa go Tlhaloganya Baebele
Fa e le gore Baebele e kwadilwe ka tsela e re ka e tlhaloganyang, goreng re ka tlhoka go thusiwa go e tlhaloganya?
KA GA RONA
Kopa Thuto ya Baebele ya Mahala
Tlotlang ka potso nngwe ya Baebele kgotsa ithute mo go oketsegileng ka Basupi ba ga Jehofa.
DIKARABO TSA DIPOTSO TSA BAEBELE
O ka Dira Eng Gore o Tlhaloganye Baebele?
Go sa kgathalesege gore o godisitswe jang, o ka tlhaloganya molaetsa wa Modimo o o mo Dikwalong Tse di Boitshepo.
LETSHOLO LE LE KGETHEGILENG
Ke Eng fa o Tshwanetse go Ithuta Baebele?—Bidio e e Feletseng
Baebele e thusa batho ba le dimilione mo lefatsheng lotlhe go bona dikarabo tsa dipotso tse di botlhokwa thata mo botshelong. A o ka rata go nna mongwe wa bone?
