Bible e thin rok Got. Ma re babyor ney e bod bangi babyor ni ke pi’ reb e matam ngak pifak. (2 Timothy 3:16) U lan e Bible ma be weliy Got rogon ni ngad felfelan’naged, nge fan ni ke pag e kireb, nge n’en nra rin’ ni fan ko girdi’ boch nga m’on. Ma bochan ni ke thilyeg e pi tamachib ko pi yurba’ e teliw ni googsur e thin ko Bible; ma aram fan ni boor e girdi’ nder yag ni ngar nanged fan e thin riy.​—Acts 20:29, 30.

Baadag Jehovah ni ngad nanged e tin riyul’ u murung’agen. Ma aram fan ni ke pi’ reb e babyor ngodad nrayog ni ngad nanged fan.​—Mu beeg e 1 Timothy 2:3, 4.

Gathi kemus ni ke pi’ Jehovah e Bible ngodad, ya ki pi’ e ayuw ni ngad nanged fan e thin riy. Ke l’og Jesus ni nge fil boch ban’en ngodad. (Luke 4:16-21) Ke ayuweg e piin ni yad be motoyil ngak ni ngar nanged fan e Thin nu Bible, ni be tamilangnag e pi verse riy.​—Mu beeg e Luke 24:27, 32, 45.

I sunmiy Jesus fare ulung ko Kristiano ya nge ulul fare maruwel ni ke tababnag. (Matthew 28:19, 20) Ngiyal’ ney, ma tin riyul’ e Kristiano e yad be ayuweg e girdi’ ni ngar nanged fan e n’en ni be fil e Bible u murung’agen Got. Faanra ga baadag ni ngam nang fan e Bible, ma Pi Mich Rok Jehovah e yad ra felfelan’ ni ngar ayuweged gur.​—Mu beeg e Acts 8:30, 31.