KANA MWA ZIBA?

Kana tempele ya mwa Jerusalema ne i yahilwe sinca hamulaho wa silimo sa 70 C.E.?

JESU naa polofitile kuli tempele ya Jehova ne i ka sinyiwa. Tempele yeo ne i sinyizwe ka silimo sa 70 C.E. ili fo mpi ya Maroma ye ne etelelwa ki Tite ne i sinyize Jerusalema. (Mat. 24:2) Hamulaho, Julia, Mubusi wa Roma a lela kuli a yahe sinca tempele.

Julia, ya naa li muhedeni, u zibahala sina mubusi wa Roma wa mafelelezo. Constantine yo Mutuna naa li malumahe Julia, mi Julia naa lutilwe ki batu ba ne ba ipapata kuli ki Bakreste mwa miteñi yeo. Kono ha naa bile mubusi ka silimo sa 361 C.E., Julia a hana ze ne ba mu lutile batu bao. Litaba za kwaikale li bonisa kuli Julia ne li Mukwenuheli bakeñisa kuli naa hanile lituto za bulapeli.

Julia naa toile batu ba ne ba bulelanga kuli ki Bakreste. Mwendi libaka le liñwi la naa ba toyezi ne li la kuli ha naa na ni lilimo ze 6, batu ba ne ba ipapatanga kuli ki Bakreste ne ba bulaile bo ndatahe ni bahabo yena ba bañwi. Licaziba za litaba za bulapeli bwa kwaikale li talusa kuli Julia naa susuelize Majuda kuli ba yahe sinca tempele. Julia naa hupula kuli tempele ha ne i ka yahiwa sinca, Jesu naa ka bonahala kuli ki mupolofita wa buhata. *

Julia naa bata ku yaha sinca tempele. Kono ha lu zibi hande nji naa kalile luli ku i yaha. Mi haiba kuli naa kalile luli musebezi wa ku yaha tempele, ha ku zibahali ze ne tahisize kuli a tuhele ku zwelepili ku yaha. Kono se lu ziba kikuli Julia naa bulailwe a si ka kwanisa kale lilimo ze peli ku zwa fa naa bezi mubusi, mi tempele ne i si ka yahiwa sinca.

[Litaluso za kwatasi]

[Siswaniso se si fa likepe 32]

Sibaka fo ne ku banga tempele ni siswaniso se si bonisa mo mwendi tempele ne i bonahalela mwa linako za Jesu

[Siswaniso]

Tempele ya Simozilemu ye fa mulunda wa fo ne ku banga tempele

[Manzwi a bañi ba siswaniso]

Photo: Todd Bolen/BiblePlaces.com