?Yu Yu Tingbaot?
?Yu bin ridim ol Wajtaoa long ol manis we oli pas? Ale, yu traem ansa long ol kwestin ya:
?“Wol” ya we bambae i lus, hem i minim wanem?
“Wol” ya we bambae i lus, i no minim prapa graon, be i minim olgeta man we oli no mekem ol samting we God i wantem. (1 Jon 2:17) Prapa graon ya wetem ol gudfala man, bambae oli stap.—Jenuware–Maj, pej 5-7.
Nating we Ebel i ded finis, ?olsem wanem hem i stap toktok yet long yumi? (Hib. 11:4)
Fasin blong bilif blong Ebel nao we i stap toktok long yumi. Ebel i soemaot se hem i gat strong bilif, taswe i olsem se eksampol blong hem i laef yet tede. Yumi save lanem mo folem fasin blong bilif blong hem.—Jenuware–Maj, pej 12.
?Wanem sam samting we yumi mas lukaot se oli no pulum yumi i go longwe long Jehova?
Sam long ol samting ya hemia wok blong yumi, spel mo pleplei, ol famle blong yumi we kongregesen i putumaot olgeta, kompiuta, wari long saed blong helt, mane, mo fasin praod.—15/1, pej 12-21.
?I minim wanem se ol man Isrel oli ‘no mekem sakomsaes long hat’ blong olgeta? (Jer. 9:26)
Oli stronghed mo oli no wantem jenisim fasin blong olgeta. Oli mas sakemaot ol samting we i pulum olgeta blong oli no obei long Jehova, hemia ol nogud tingting, mo ol nogud samting we oli wantem. (Jer. 5:23, 24)—15/3, pej 9-10.
?Olgeta we bambae oli laef bakegen, bambae oli laef long weples?
Sam long olgeta, hemia 144,000, bambae oli laef bakegen long heven. Be bighaf blong ol man bambae oli laef bakegen long wol ya, mo bambae oli harem gud blong laef olwe.—Eprel–Jun, pej 6.
?Long wol ya, hu olgeta we oli stap long ogenaesesen blong God?
Hemia Hed Kampani, ol komiti blong branj ofis, ol elda we oli goraon long ol kongregesen, ol elda, ol kongregesen, mo olgeta pablisa wanwan.—15/4, pej 29.
?I tru se ol man Isrel oli hangem man nogud long wud, blong kilim hem i ded?
Nogat. Plante neson bifo, oli hangem ol man nogud long wan wud no wan pos, blong kilim olgeta i ded, be hemia i no fasin blong ol man Isrel. Long taem we oli raetem Baebol fastaem long lanwis Hibru, wan man we i mekem wan samting we i stret blong hem i ded from, oli kilim hem i ded fastaem, maet oli stonem hem i ded. (Lev. 20:2, 27) Biaen oli hangem ded bodi blong hem long wan wud no wan tri, olsem wan woning long ol man.—15/5, pej 13.
