Ang bibliomancy nagapatuhoy sa palagpat nga pagbukad sang Biblia sa pagpati nga ang bersikulo nga una nga makita makabulig sa pagsolbar sang problema. Ang matuod nga mga Cristiano wala nagasalig sa mga panimad-on. Sa baylo, nagatuon sila sing Biblia para matigayon ang sibu nga ihibalo kag panuytoy gikan sa Dios.—12/15, pahina 3.

“Ang kalibutan” nga magataliwan amo ang kalibutan sang katawhan nga wala nagasunod sa kabubut-on sang Dios. (1 Juan 2:17) Ang duta indi maguba kag ang matutom nga katawhan maluwas.—1/1, pahina 5-7.

Nahimo niya ini paagi sa pagtuo. Makatuon kita sa iya pagtuo kag tinguhaan naton nga ilugon ini. Ang iya halimbawa buhi gihapon kag malig-on.—1/1, pahina 12.

Ang pila sini amo ang aton trabaho ukon karera, ginapili nga kalingawan, kaangtanan sa nadisfellowship nga miembro sang pamilya, paggamit sang teknolohiya, kabalaka sa aton ikaayong lawas, sayop nga pagtamod sa kuarta, kag sobra nga pagpabalor sang aton pagtamod ukon posisyon.—1/15, pahina 12-21.

Imbes nga magpabugal bangod sa iya awtoridad, nagsalig si Moises sa Dios, indi sa iya kaugalingon. Indi naton gusto nga ipabugal ang aton gahom, awtoridad, ukon abilidad; sa baylo gusto naton magsalig kay Jehova. (Hulu. 3:5, 6)—2/1, pahina 5.

Ang limitado nga kadamuon —144,000—makadto sa langit. Pero ang kalabanan mabuhi liwat sa duta kag makatigayon sang kabuhi nga wala sing katapusan.—3/1, pahina 6.

Batinggilan sila kag kinahanglan kuhaon ang butang nga nagapatig-a sa ila tagipusuon—ang ila panghunahuna, handum, ukon motibo nga nagasumpakil sa iya sang Dios. (Jer. 5:23, 24)—3/15, pahina 9-10.

May katuyuan ang iya kabuhi, nga amo ang paghimo sang kabubut-on sang Dios. Ginahigugma gid niya ang iya Amay kag ang mga tawo. Nahibaluan ni Jesus nga ginahigugma kag ginakahamut-an sia sang iya Amay. Amo ini ang yabi sang may kahulugan nga kabuhi.—4/1, pahina 4-5.

Nalakip sa sini ang Nagadumala nga Hubon, mga komite sang sanga, mga nagalakbay nga manugtatap, mga hubon sang mga gulang, mga kongregasyon, kag indibiduwal nga mga Saksi.—4/15, pahina 29.

Si Jehova wala nalipay sa kamatayon sang malauton. (Ezeq. 33:11) Ang mga ginhimo niya sang una nagapakita nga mahigugmaon niya nga ginapaandaman ang mga tawo antes sia maghukom. Nagahatag ini sa aton sing paglaum nga makalampuwas sa mga paghukom sa palaabuton.—5/1, pahina 5-6.

Wala. Ginahimo ini sang iban nga pungsod sadto, pero indi sang mga Israelinhon. Sa tion sang Hebreong Kasulatan, ang mga malaut ginapatay anay paagi sa pagbato. (Lev. 20:2, 27) Dayon ginabitay ang bangkay para mangin paandam sa iban.—5/15, pahina 13.

Bisan pa madamo sing nahimo ang mga tawo, wala sila sing ikasarang sa pagtuytoy sang ila kaugalingon nga mga tikang. (Jer. 10:23) Ang kalibutan ginakontrol ni Satanas, gani indi gid mapaluntad sang mga tawo ang paghidait. (1 Juan 5:19)—6/1, pahina 16.