Библийӕ дӕсны афтӕ фӕфӕрсынц, ӕмӕ йӕ кӕцыфӕнды фарсыл бакӕнынц ӕмӕ дзы сӕ цӕст фыццаг цы ныхӕстыл ӕрхӕца, уыдон банымайынц сӕ фарстайӕн дзуаппыл. Ӕцӕг чырыстӕттӕ дӕсны нӕ фӕрсынц ӕмӕ нысӕнттӕ нӕ халынц. Уыдон Библи ахуыр кӕнынц, цӕмӕй афтӕмӕй ссарой бӕлвырд зонындзинӕдтӕ ӕмӕ Хуыцауы разамынд (15/12, 3 фарс).

Цы «дуне» фӕивгъуыйы, уый амоны, Хуыцауы фӕндонмӕ гӕсгӕ чи нӕ цӕры, уыцы адӕммӕ (1 Иоан. 2:17). Хуыцауыл иузӕрдион чи у, уыцы адӕм дӕр ӕмӕ зӕхх дӕр нӕ фесӕфдзысты (1/1, 5–7 фӕрстӕ).

Авел немӕ дзуры йӕ уырнындзинады фӕрцы. Мах хъуамӕ Авелы уырнындзинадӕй нӕхицӕн зонд исӕм ӕмӕ йӕ фӕзмӕм. Йӕ уырнындзинад куыд равдыста, уымӕй бирӕ цыдӕртӕ у нӕ бон базонын (1/1, 12 фарс).

Зӕгъӕм, нӕ куыст кӕнӕ ирхӕфсӕнты тыххӕй, стӕй, нӕ бинонтӕй нын ӕмбырдӕй кӕй ацух кодтой, уыимӕ нын исты бастдзинад куы уа, уый тыххӕй. Ноджыдӕр ма, алыхуызон техникӕмӕ, ӕнӕниздзинадмӕ ӕмӕ ӕхцамӕ раст цӕстӕй куы нӕ кӕсӕм, стӕй ма нын нӕхи хъуыды Йегъовӕйы хъуыдыйӕ сӕйрагдӕр куы суа, уый тыххӕй дӕр (15/1, 12–21 фӕрстӕ).

Моисеймӕ кӕд стыр бартӕ уыд, уӕддӕр не ссӕрбӕрзонд. Уый йӕ ныфс йӕхиуыл нӕ дардта, фӕлӕ Хуыцауыл. Кӕд нӕм исты бартӕ ис кӕнӕ кӕд истӕмӕ хорз арӕхсӕм, уӕддӕр нӕ нӕ фӕнды, цӕмӕй сӕрбӕрзонд суӕм. Мах фӕнды нӕ зӕрдӕ ӕгасӕй дӕр Йегъовӕйыл дарын (Ӕмб. 3:5, 6) (1/2, 5 фарс).

Чи райгас уыдзӕн, уыдонӕй иутӕ – 144 мины – цӕрдзысты уӕлӕрвты. Фӕлӕ адӕмӕн сӕ фылдӕр райгас уыдзысты зӕххыл цӕрынӕн ӕмӕ ӕнустӕм амондджынӕй дзӕнӕты цӕрдзысты (1/3, 6 фарс).

Сӕ зӕрдӕтӕ уыдысты хивӕнд ӕмӕ ӕнӕсӕттон. Хъуамӕ сӕ зӕрдӕтӕ ссыгъдӕг кодтаиккой, Хуыцауы фӕдзӕхстыты ныхмӕ чи уыд, уыцы хъуыдытӕ ӕмӕ фӕндтӕй (Йер. 5:23, 24) (15/3, 9, 10 фӕрстӕ).

Чырысти зыдта, цӕмӕн цард, уый – цӕмӕй йӕ фыды фӕндон ӕххӕст кодтаид. Чырысти тынг уарзта йӕ Фыды, стӕй адӕмы дӕр уарзта. Чырысти зыдта, йӕ Фыд ӕй кӕй уарзы ӕмӕ дзы райгонд кӕй у. Ӕмӕ адӕймаг йӕ цардӕй райгонд уыдӕтты фӕрцы вӕййы (1/4, 4, 5 фӕрстӕ).

Разамонӕг совет, филиалты комитеттӕ, цӕуӕг цӕстдарджытӕ, хистӕр нӕлгоймӕгты советтӕ, ӕмбырдтӕ ӕмӕ хъусынгӕнджытӕ (15/4, 29 фарс).

Йегъовӕйӕн фыдгӕнӕджы мӕлӕт ӕхсызгон нӕу (Йез. 33:11). Хуыцау-иу цалынмӕ йӕ тӕрхон нӕ сӕххӕст кодта, уӕдмӕ-иу адӕмы фӕдзӕхста. Уый нын ууыл дзурӕг у, ӕмӕ фидӕны йӕ тӕрхӕттӕ куы ӕххӕст кӕна, уӕд нын фервӕзыны фадат кӕй уыдзӕн (1/5, 5, 6 фӕрстӕ).

Нӕ. Раджы заманты чи цард, уыцы адӕмыхӕттытӕй бирӕтӕ кодтой афтӕ, фӕлӕ израилӕгтӕ та нӕ кодтой. Цалынмӕ Моисейы закъон йӕ тыхы уыд, уӕдмӕ-иу фыдгӕнӕджы фыццаг маргӕ акодтой, зӕгъӕм, дуртӕй (Лев. 20:2, 27). Уый фӕстӕ-иу ын йӕ мард хъӕдыл ӕрцауыгътой. Уый иннӕтӕн сӕ зӕрдыл лӕууын кодта, тӕригъӕдтӕ куы арӕзтаиккой, уӕд сӕм цы ’нхъӕлмӕ каст, уый (15/5, 13 фарс).

Кӕд адӕмӕн сӕ къухы бирӕ цыдӕртӕ бафтыд, уӕддӕр адӕймаг афтӕ конд у, ӕмӕ йӕ бар йӕ къахдзӕфтыл нӕ цӕуы (Йер. 10:23). Дуне ис Хӕйрӕджы къухы, ӕмӕ кӕд адӕм тынг архайынц, цӕмӕй зӕххыл фарн уа, уӕддӕр сӕ бон ницы у бакӕнын (1 Иоан. 5:19) (1/6, 16 фарс).