¿Yuyashankichu?
¿Leerqankichu kay killakunapi chayamuq Qhawaq revistakunata? Chhayna kaqtinqa, ¿kutichiwaqchu kay tapuykunata?
¿Iman Bibliata watuq librota hina hap’iy? ¿Imaynatan chayta cristianokuna qhawarinanku?
Chay creenciaqa qonqaylla Bibliata kichaspa chaypi ñawpaqta ñawinkuq rikusqanta leeymi, chaypi nisqantataq huk yanapayta hina qhawarinku. Cheqaq cristianokunaqa manan chay hina watuykunapi creenkuchu. Aswanmi Bibliata estudianku cheqaq yachayta tarinankupaq Diospa yanapayninta maskhanankupaqpas (15/12, 3 página).
¿Ima ‘pachan’ tukukapunqa?
Tukupunanpaqña kashaq ‘pachaqa’ Diosta mana kasukuspa munasqankuman hinalla kawsaq runakunan (1 Juan 2:17). Kay tiyasqanchis Hallp’aqa manan tukukunqachu chaypitaqmi kasukuq runakuna tiyanqaku (1/1, 5-7 paginakuna).
¿Imaynapin Abel rimapayawashallanchis wañupunña chaypas? (Heb. 11:4)
Payqa iñiyninwanmi rimapayawashallanchis. Iñiyninta, imachus ruwasqantawan qatikuspan paytapas uyarishasunman hina kanqa. Kawsashanmanpas hinan ejemplon yanapawashallanchis (1/1, 12 página).
¿Imakunamantan cuidakunanchis Diosmanta mana karunchakunanchispaq?
Cuidakunanchismi llank’anamanta, kusirikuykunamanta, Diospa llaqtanmanta qarqosqa familianchiswan huñukuymanta, chayllaraq lloqsimuq maquinakunamanta, qhali kayllata munaymanta, qolqe yuyayllapi kaymanta, yuyaykusqanchista otaq imapas kasqanchista sinchi allinpaq qhawariymantawan (15/1, 12-21 paginakuna).
¿Imatan yachanchis Moisés huch’uyyaykukuq kasqanmanta?
Atiytaña chaskirqan chaypas Moisesqa manan umata hoqarirqanchu. Payqa manan pay kikinpichu confiakurqan aswanpas Jehová Diospin. Ñoqanchispas ima atiytaña chaskinchis otaq imakunataña ruwayta yachanchis chaypas, manapunin umata hoqarinachu, aswanpas Jehová Diospin hap’ipakunanchis (Prov. 3:5, 6) (1/3, 5 página).
¿Imaynapin israelitakuna ‘mana kasukuq sonqoyoq’ karqanku? (Jer. 9:26)
Paykunaqa nishu k’ullu runakunan karqanku, chaymi sonqonkupi cambiananku karqan. Chaypaqqa Diospa kamachikusqan contranpi kaq millay ruwaykunata millay yuyaykuykunatan sonqonkumanta wikch’unanku karqan (Jer. 5:23, 24) (15/3, 9-10 paginakuna).
¿Pikunan kashanku kay Hallp’api kaq Diospa llaqtanpi?
Chaypin kashanku: Umalliq T’aqa, sucursalkunamanta encargakuqkuna, iñiq t’aqakunata watukuq umallikuna, iñiq t’aqapi umallikuna, iñiq t’aqakuna, sapanka Testigokuna ima (15/4, 29 página).
¿Maypin tiyanqaku kawsarimpuqkuna?
144.000 runakunan hanaq pachapi tiyanankupaq kawsarimpunqaku. Askha runakunan ichaqa kay Hallp’api tiyanankupaq kawsarimpunqaku, chaypitaqmi wiñaypaq tiyanqaku (1/5, 6 página).
¿K’aspipi warkuspachu israelitakuna huchallikuqkunata wañuchiqku?
Huk nacionkunan chaytaqa ruwaqku. Israelitakunaqa ñawpaqtan rumiwan ch’aqespa sinchi huchallikuqtaqa wañuchiqku (Lev. 20: 2, 27). Chay qhepamanñas wañusqa runata k’aspipi warkunkuman karqan, chayta rikuspa ama hukkunapas huchallikunankupaq (15/5, 13 página).
