¿Mi xvul ta ajol?
¿Mi akʼupinoj skʼelel Li Jkʼel osil ta toyole, ti achʼik to lokʼem tale? Mi jeche, paso preva mi xtakʼ avuʼun li kʼusitik liʼe:
¿Kʼusi skʼan xal ti tsjam Svivliaike, xchiʼuk kʼu yelan skʼan xil li yajtsʼaklom Cristoe?
Jaʼ ti tsjam Svivliaik ti bu xkʼot ta jamel yuʼunike, yuʼun tsnopik ti jaʼ chkoltaatik li versikulo bu chkʼot satike. Pe li melel yajtsʼaklomtak Cristoe muʼyuk bu tspasik jech. Moʼoj, yuʼun chchanik lek Vivlia sventa tsaʼik li melel yojtikinobil xchiʼuk li beiltasel chakʼ Diose (15/12, pajina 3).
¿Kʼusi «li banamil» ti ta onoʼox xlaje?
Jaʼ li krixchanoetik ti muʼyuk tspasik li kʼusi tskʼan yoʼonton Diose (1 Juan 2:17). Muʼyuk bu chlaj li batsʼi Balumil xchiʼuk li tukʼil krixchanoetike (1/1, pajina 5-7).
«Acʼo me chamen xa» li Abele, ¿kʼuxi xa noʼox ti tskʼoponutike? (Heb. 11:4.)
Jaʼ li ta xchʼunel yoʼontone. Jaʼ yuʼun kakʼtik persa ta yojtikinel li xchʼunel yoʼontone xchiʼuk jchanbetik. Kuxul-o li slekil talelale (1/1, pajina 12).
¿Kʼusitik ti skʼan mu xkakʼtik snamajesutik ta stojolal Jeovae?
Jlome jaʼ liʼe: li kabteltike, li kʼusi ta jchʼay-o koʼontontike, ti kʼuyelan chkil jbatik xchiʼuk kutsʼ kalaltik ti lokʼemik ta tsobobbaile, ti kʼusitik achʼ chlokʼanuk tale, ti lekuk noʼox li jbekʼtaltike, li takʼine, ti ta jtoy-o jbatik ta sventa li kʼusi ta jnop jtuktike xchiʼuk ti kʼuyelan ojtikinbilutike (15/1, pajina 12-21).
¿Kʼuxi xuʼ jchanbetik ti bikʼit laj yakʼ sba li Moisese?
Muʼyuk la stoy-o sba li abtelal akʼbate, moʼoj, la spat yoʼonton ta stojolal Dios. Mu me jkʼantik xmuy ta joltik ek li kabteltike o ti oy kʼusitik lek xijtojob ta spasele, moʼoj, skʼan jpat koʼontontik ta stojolal Jeova (Prov. 3:5, 6) (1/2, pajina 5).
¿Bu chnakiik li buchʼutik chchaʼkuxiike?
Jlome chchaʼkuxiik sventa chbatik ta vinajel, 144,000 yepalik. Akʼo mi jech, jutuk mu skotoluk krixchanoetik chichʼik chaʼkuxesel sventa chnakiik ta sbatel osil liʼ ta Balumile (1/3, pajina 6).
¿Kʼuxi ti «muʼyuc yichʼojic circuncisión ta yoʼntonic» li j-israeletike? (Jer. 9:26.)
Jaʼ ti jtoyba li yoʼontonike, jaʼ yuʼun skʼan slokʼesik li kʼusi chyijub-o yoʼontonike: li kʼusi tsnopike, li kʼusi tskʼanike xchiʼuk li kʼusi tskʼan tspasik ti mu jechuk chal li smantal Diose (Jer. 5:23, 24) (15/3, pajina 9, 10).
¿Kʼusi skʼan xal ti oy sbalil echʼ xkuxlejal li Jesuse?
Oy kʼusi laj yakʼ ta yoʼonton spasel ta xkuxlejal: spasbel li kʼusi tskʼan yoʼonton Diose. La skʼan ta sjunul yoʼonton li Stote xchiʼuk li krixchanoetike. Jaʼ yuʼun, snaʼoj ti lek ilbil xchiʼuk ti kʼanbil yuʼun Stote. Taje jaʼ me chakʼbe sbalil jkuxlejaltik ek (1/4, pajina 4, 5).
¿Buchʼutik te oyik li ta jvokʼ s-organisasion Jeova ta Balumile?
Te oyik li Jtsop Jbeiltasvaneje, li Komiteetik sventa Betele, li jkʼelvanejetik ta sirkuito xchiʼuk distritoe, li moletik ta tsobobbaile, li tsobobbailetike xchiʼuk li jcholmantaletike (15/4, pajina 29).
¿Mi chakʼ ta ilel ti muʼyuk xkʼuxul yoʼonton Dios kʼalal laj yakʼ kastigoe?
Li Jeovae muʼyuk lek chil ti chcham li buchʼu chopol kʼusi tspase (Ezeq. 33:11, Ch). Ti kʼuyelan la spas ta voʼne li Diose chakʼ ta ilel ti kʼanvaneme, yuʼun chpʼijubtasvan kʼalal muʼyuk to chakʼ kastigoe. Taje tspat koʼontontik sventa kuxul xijkom mi tal li yan kastigoetike (1/5, pajina 5, 6).
¿Mi tsjokʼanik ta jtel teʼ jpas tsatsal mulil li j-israeletike?
Moʼoj, oy epal lumetik ta voʼnee, tsjokʼanik ta jtel teʼ, pe li j-israeletike mu jechuk tspasik. Kʼalal maʼuk toʼox jkʼakʼaliltike baʼyel chichʼ milel li jpas tsatsal mulile, xuʼ van chakʼbeik ton (Lev. 20:2, 27). Mi laje tsjokʼanbeik ta jtel teʼ li sbekʼtale, taje jaʼ sventa mu spasik-o choplejal li yantike (15/5, pajina 13).
¿Kʼu yuʼun toj vokol ta tael jun oʼontonal ta balumil?
Akʼo mi toj ep xa kʼusitik lek spasoj li krixchanoetike, mu xuʼ yuʼun tsbeiltas sba stukik (Jer. 10:23). Jaʼ tspas ta mantal skotol li kʼusitik oy ta balumil li Satanase, jaʼ yuʼun mu xuʼ yuʼunik ta yakʼel jun oʼontonal li krixchanoetike (1 Juan 5:19) (1/6, pajina 16).
