Àṣà kan tó dà bíi pé ó wọ́pọ̀ jù lọ táwọn èèyàn máa ń dá ni pé, wọ́n á kàn ṣí Bíbélì sí ibì kan ṣáá, wọ́n á ka gbólóhùn tí wọ́n bá kọ́kọ́ rí níbẹ̀, wọ́n á sì gbà pé ohun tí wọ́n bá kà yẹn ló máa tọ́ àwọn sọ́nà. Àwọn Kristẹni tòótọ́ kì í wá bí wọ́n ṣe máa fi agbára àràmàǹdà wádìí àwọn nǹkan. Kàkà bẹ́ẹ̀, ńṣe ni wọ́n máa ń kẹ́kọ̀ọ́ Bíbélì kí wọ́n bàa lè ní ìmọ̀ pípéye, kí Ọlọ́run sì lè máa darí wọn.—12/15, ojú ìwé 3.

Gbogbo àwọn èèyàn tí kò ṣe ìfẹ́ Ọlọ́run ni “ayé” tó máa kọjá lọ. (1 Jòh. 2:17) Ilẹ̀ ayé àtàwọn èèyàn rere kò ní pa run.—1/1, ojú ìwé 5 sí 7.

Ó ń ṣe bẹ́ẹ̀ nípasẹ̀ àpẹẹrẹ ìgbàgbọ́ tó lágbára tó fi lélẹ̀ fún wa. A lè kẹ́kọ̀ọ́ látinú ìgbàgbọ́ rẹ̀, ká sì máa tẹ̀ lé àpẹẹrẹ rẹ̀. Tá a bá ń ṣe bẹ́ẹ̀, ńṣe ló máa dà bíi pé oun fúnra rẹ̀ ń bá wa sọ̀rọ̀.—1/1, ojú ìwé 12.

Díẹ̀ lára àwọn nǹkan náà rèé: iṣẹ́, eré ìdárayá, àjọṣe pẹ̀lú àwọn èèyàn wa tí wọ́n ti yọ lẹ́gbẹ́, àwọn ẹ̀rọ ìgbàlódé, ìlera, owó, àti ìgbéraga.—1/15, ojú ìwé 12 sí 21.

Mósè kò jẹ́ kí agbára gun òun, kàkà bẹ́ẹ̀ ń ṣe ló gbára lé Ọlọ́run. A ò gbọ́dọ̀ jẹ́ kí agbára tá a ní, ipò àṣẹ tá a wà tàbí ẹ̀bùn àbínibí tá a ní máa gùn wá gàràgàrà; kàkà bẹ́ẹ̀, ńṣe ló yẹ ká gbẹ́kẹ̀ lé Jèhófà. (Òwe 3:5, 6)—2/1, ojú ìwé 5.

Ìwọ̀nba àwọn tí iye wọn jẹ́ ọ̀kẹ́ méje ó lé ẹgbàajì [144,000] ló máa jíǹde sí ọ̀run. Èyí tó pọ̀ jù lára àwọn tó máa jíǹde ni yóò jíǹde sórí ilẹ̀ ayé, wọn yóò sì gbádùn ìyè àìnípẹ̀kun nínú Párádísè lórí ilẹ̀ ayé.—3/1, ojú ìwé 6.

Wọ́n ya ọlọ̀tẹ̀, wọ́n sì kọ̀ láti yí pa dà. Èrò ọkàn wọn àti ìwà wọn burú lójú Jèhófà. (Jer. 5:23, 24)—3/15, ojú ìwé 9 àti 10.

Ó pinnu láti fi ìgbésí ayé rẹ̀ ṣe ìfẹ́ Ọlọ́run, ohun tó sì ṣe gan-an nìyẹn. Ó nífẹ̀ẹ́ Baba rẹ̀ gidigidi, ó sì nífẹ̀ẹ́ àwọn èèyàn pẹ̀lú. Bákan náà, ó dá Jésù lójú pé Baba òun nífẹ̀ẹ́ òun, inú rẹ̀ sì ń dùn sí òun. Àwọn nǹkan yìí gan-an ló sì ń mú kí ìgbésí ayé ẹni nítumọ̀.—4/1, ojú ìwé 4 sí 6.

Apá ti ilẹ̀ ayé lára ètò Ọlọ́run rèé: Ìgbìmọ̀ Olùdarí, àwọn Ìgbìmọ̀ Ẹ̀ka, àwọn alábòójútó arìnrìn-àjò, ìgbìmọ̀ àwọn alàgbà, àwọn ìjọ àti akéde kọ̀ọ̀kan.—4/15, ojú ìwé 29.

Inú Jèhófà kò dùn sí ikú àwọn ẹni burúkú. (Ìsík. 33:11) Bíbélì fi hàn pé Jèhófà nífẹ̀ẹ́ àwa èèyàn. Ìdí nìyẹn tó fi máa ń kọ́kọ́ kìlọ̀ dáadáa kó tó mú ìdájọ́ rẹ̀ wá. Èyí sì ń fi wá lọ́kàn balẹ̀ pé Jèhófà máa dá wa sí nígbà tí àkókò ìdájọ́ rẹ̀ bá dé.—5/1, ojú ìwé 5 àti 6.

Rárá. Àwọn orílẹ̀-èdè àtijọ́ tó kù máa ń ṣe bẹ́ẹ̀ ṣùgbọ́n orílẹ̀-èdè Ísírẹ́lì kì í ṣe bẹ́ẹ̀. Láyé ìgbà tí wọ́n ń kọ Ìwé Mímọ́ lédè Hébérù, ńṣe ni wọ́n máa ń kọ́kọ́ pa àwọn ọ̀daràn kí wọ́n tó gbé wọn kọ́ sórí igi. Ó lè jẹ́ pé ńṣe ni wọ́n á kọ́kọ́ sọ ọ́ lókùúta pa. (Léf. 20:2, 27) Lẹ́yìn náà, wọ́n wá lè gbé òkú náà kọ́ sórí òpó igi kí ó bàa lè jẹ́ ìkìlọ̀ fáwọn míì.—5/15, ojú ìwé 13.

Bó tilẹ̀ jẹ́ pé ọ̀pọ̀ àwọn nǹkan ńlá làwa èèyàn ti gbé ṣe, síbẹ̀, kò ṣeé ṣe fún wa láti darí àwọn ìṣísẹ̀ ara wa. (Jer. 10:23) Nítorí pé Sátánì ni alákòóso ayé, kò ṣeé ṣe fún àwọn èèyàn láti mú kí àlàáfíà wà láyé. (1 Jòh. 5:19)—6/1, ojú ìwé 16.