Yindula vo kimbevo kia vonza una kiau kivava vo wapasulwa. Ka lukatikisu ko vo, ovava dotolo diambote ona tomene zaya e salu kiaki, kadi moyo aku va moko mandi wina. Nga ke diambote ko mu fimpa salu kia dotolo ndioyo?

Diau adimosi mpe, diambote wafimpa e dibundu diaku. Avo u munkwikizi, e zingu kiaku kia kimwanda vana moko ma dibundu diaku kina kumosi ye vuvu kiaku kia luvuluku.

Yesu wavana luludiku muna kutusadisa mu zaya kana vo dibundu dieto dia kieleka yovo dia luvunu. Wavova vo: ‘Konso nti uzayakene muna mbongo andi.’ (Luka 6:44) Muna bonga e nona, vava otalanga mabundu, nkia mambu omonanga? Nga afidi a mabundu betoma sianga sungididi muna nzimbu? Nga asambidi a mabundu mama belemvokelanga nsiku mia Nkand’a Nzambi mu diambu ditadidi vita ye fu yambote? Nga vena ye dibundu dilenda bundw’e vuvu? Tulombele kimana wafimpa malongi malende.