TOHO YA TABA: KANA KU NA NI BULAPELI BO MU KONA SEPA?

Ki Kabakalañi ha mu Swanela ku Tatuba Bulapeli Bwa Mina?

Lu nge kuli mu tokwa ku pazulwa bakeñisa kuli mu kula butuku bo bu kona ku mi bulaya. Mu ka tokwa ku sepa hahulu mualafi ya pazulanga batu, bakeñisa kuli bupilo bwa mina bu ka itinga ku yena. Kana ne mu si mwa eza hande ku nyakisisa mualafelo wa hae?

Ka ku swana, ki kwa butokwa hahulu ku tatuba bulapeli ka tokomelo. Haiba mu mwa kopano ye ñwi ya bulapeli, u zibe mu beile bupilo bwa mina bwa kwapili ili bwa ku ya ku ile mwa mazoho a kopano yeo.

Jesu naa lu bonisize mo lu kona ku tatubela bulapeli. Naa bulezi kuli: “Kota ni kota i zibwa ka muselo wa yona.” (Luka 6:44) Ka mutala, ha mu nahana za bulapeli bo buñwi mu ipuze kuli, bulapeli bo, bu beya muselo mañi? Kana ba bahulu ba bulapeli bo, ba iyakatwa hahulu masheleñi? Kana batu ba ba li mwa bulapeli bo, ba latelela ze i luta Bibele ka za lindwa ni za ku ambuka lika ze si ka luka? Kana ku na ni bulapeli bo bu kona ku sepiwa? Lu mi mema ku nyakisisa litaba ze latelela.

[Manzwi a fa likepe 3]

“Kota ni kota i zibwa ka muselo wa yona.”—Luka 6:44